یه‌ك شه‌ممه‌ 11 حوزه‌یران 2017

پێویستمان به‌ نه‌وه‌یه‌كی سیاسی تازه‌ هه‌یه‌

بەروار : 11 حوزه‌یران 2017
If you thought this page is useful to your friend, use this form to send.
Friend Email
Enter your message

 

بێریڤان سه‌رهه‌نگ

 

هه‌بوونی نه‌وه‌یه‌كی تازه‌ بۆ سیاسه‌ت، پرۆسه‌یه‌كی ته‌ندروسته‌ بۆ كوردستان, نه‌وه‌یه‌كی تازه‌ی په‌روه‌رده‌كراو به‌ به‌گژداچوونه‌وه‌ی گه‌نده‌ڵی، دڵسۆز بۆ خاك و نیشتمان و به‌رگریكار، داهێنه‌ر و به‌رهه‌مهێن، له‌بواری به‌رێوه‌بردن سه‌ركه‌وتوو بۆ داهاتووی كوردستان، له‌ ئێستادا له‌ هه‌موو كات زیاتر پێویستمان به‌ سیاسه‌تێكی شارستانی و پێشكه‌وتووانه‌ هه‌یه‌ بۆ دانانی سیسته‌مێكی پوخت و جوان و سه‌ركه‌وتوو و به‌رپرسیارانه‌ بۆ گه‌شه‌پێدانی وڵات و دانانی پلان و به‌رنامه‌رێژی بۆ ئاینده‌ی كوردستان. نه‌وه‌یه‌كی زیره‌ك و پسپۆر بێت له‌ بواره‌ جیاجیاكان، پێویسته‌ په‌ند و وانه‌ له‌و دۆخه‌ پڕ قه‌یران و سه‌خته‌ وه‌ربگرین، پێداچوونه‌وه‌ی بنه‌ڕه‌تی بكرێت له‌ ته‌واوی سێكته‌ره‌كانی به‌رێوه‌بردن، سوود له‌ ته‌كنه‌لۆژیای سه‌رده‌م و ئه‌زموونی پێشكه‌وتووی وڵاتان وه‌ربگرین بۆ به‌ره‌وپێشبردنی سه‌رخان و ژێرخانی ئابووری وڵات، كه‌سانی پسپۆرو به‌ ئه‌زموون بێنه‌ پێشه‌وه‌ به‌ بیرۆكه‌ و پرۆژه‌ی نوێ‌ و به‌به‌رهه‌م كار بۆ داهاتوومان بكه‌ین. نه‌وه‌ی تازه‌ و مێشكی تازه‌، بۆ دونیای تازه‌، پشت به‌ستن به‌ گه‌نجان و نه‌وه‌ی تازه‌ ره‌خسانی ده‌رفه‌ت بۆ ئه‌وه‌ی رۆڵ و كارامه‌یی خۆیان نیشان بده‌ن، یه‌كێكه‌ له‌ پره‌نسیبه‌كانی مافی مرۆڤ، فراوانكردنی مه‌ودای دیموكراسی له‌ وڵات، هه‌موو ده‌زانین گه‌نجان زیاتر له‌ یه‌كتر نزیك ده‌بنه‌وه‌ و گوێ‌ بۆ یه‌كتر ده‌گرن و بیروڕا ئالوگۆڕ ده‌كه‌ن، له‌گه‌ڵا ئه‌وه‌شدا سیاسیه‌ دێرین و به‌ ئه‌زموونه‌كان ده‌بێت پاڵپشت و هاوكاری گه‌نج بن بۆ خۆبه‌رێوه‌بردن، بۆ به‌دیهێنانی هیوای كۆمه‌ڵگه‌، گه‌شبین بین به‌و كاروچالاكیانه‌ی گه‌نج ده‌یكات، هه‌میشه‌ به‌یه‌كه‌وه‌ یه‌كتر ده‌وڵاه‌مه‌ند بكه‌ین. نه‌وه‌ی ئێستا نه‌وه‌یه‌كی زیندوو چست و چالاكه‌، خوێنه‌ره‌ خاوه‌ن پرۆژه‌یه‌ بیرۆكه‌ی جوانی پێیه‌ بۆ به‌ره‌و پێشبردنی وڵات، خۆبه‌خشه‌ و وڵاته‌كه‌ی خۆشده‌وێت. ده‌توانێت خۆی بگونجێنێت و له‌گه‌ڵ ژینگه‌ و دۆخی ئێستادا بگونجێ‌، دونیا بینه‌ بۆ رۆژگاری ئه‌مڕۆ هه‌وڵده‌دات و تێگه‌شتووه‌، كه‌واته‌ پێویستمان به‌ نه‌وه‌یه‌كی نوێ‌ و تازه‌ هه‌یه‌ بۆ به‌رێوه‌بردنی وڵات.

 

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

بۆچوون تۆماربکە

  • نەجات سۆفي

    بەروار$s

    سڵاو بۆ خاتوو بێریڤان و ئاگاپرێس
    ١- نەوەی سیاسی وتازە پەروەردەکراو دڵسۆز و دژ بە گەندەڵی وداهێنەر و بەرهەمهێنەر …….لە کۆمەڵگایەکی دیمۆکراتی و ئازادگەەشە دەکات و بەرهەمهێنەر دەبێت،چونکە مرۆ لەو جۆرە کۆمەڵگایە بەهرەکانی وبەهەمەکانی لەپێناوهاووڵاتی و وڵاتەکەیبەکاربینی بەبێ هیچ سانسۆر و قەدەغەکردن
    ٢- خوێندنگاکان وزانکۆکانمان پاشکەوتووترین سیستەمی پەروەدە و زانست پێشکەشی گەنجانمان دەکەن.دوو مانگ لەمەەپێش لەهەولێر بووم مامۆستایەک باسی ئەوەی کرد کە تائێستا هەندێ مامۆستا نیوەی وانەی ماتماتیک یا وەرزش یا مێژوو دەکەن بە وانەی دین . جا چۆن خوێندکار فێری ژیان وزانست و پەروەردە و ئەزموون دەبێت
    ٣- گەنجەکانمان بە کوڕوکچانیەوە پێویست ناکات تەنیا لە رێگەی زانکۆکانەوە خۆیان چەکدارکەن بە زانست و زانیاری رێگاو سەرچاوەیتر هەن بۆ ئەو مەبەستە ،خوێندنەوە پەڕتوکە سیاسی و کۆمەڵایەتیەکان، سەیری فیلم کردن ،گفتوگۆ و راوێژێکردن
    ئەو خاڵانەی سەرەوە دڵۆپێکن لە دەریایەک .
    ئەوانە هەموو تەگەرە و دیواری بەرلینن لەپێش کوڕ و کچانمان نەوەک لە لایەنی بایۆلۆژیەوە گەنجانی کورد هیچیان کەمتر نییە لە گەنجانی وڵاتانی پێشکەوتوو.


    وەڵامدانەوە

۱ بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە