Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
چوار شه‌ممه‌ 27 كانونی یه‌كه‌م 2017

کێ فیرعەونەکانی درووستکرد؟

بەروار : 27 كانونی یه‌كه‌م 2017
If you thought this page is useful to your friend, use this form to send.
Friend Email
Enter your message

 

گۆران هەڵەبجەیی

لە ئێستادا دۆخی نێو یەکیتی  لە خراپترین و نالەبارترین دۆخدایە. ئەوەی ڕوونە بەپێی ئاماژەکان خراپتر دەێت و باشتر نابێت . بەشبەحاڵی خۆم ئومێدەخوازم وەک ئاردی بن دڕکیان لێ بێت.

لۆژیکە ،هەر دەسەڵاتێک حیزبێک دەکەوێتە ڕەوشێکی ئەوهاوە کە  دۆزینەوەی چارەسەر و پۆشینی عەیبوعارەکان مەحاڵ دەبێت ،ئیدی ،سەبەبکاران پەنا دەبەنە بەر  تاوانبار کردنی یەکتری.

ماوەیەکی زۆرە  ئەم تۆمەتبەخشینەوەیە لە نیو یەکێتیدا وە لەسەر ئاستی سەرکردایەتی و بڕێک خوارتریش دەستی پێکردوە، هەر هەموویان دەیانەوێت ئەستۆپاکی خۆیان بسەلمێنن و خۆیان وەک فریشتە نمایش بکەن .ئەم یەکتری تۆمتبارکردن و ناشیرینکردنە لە ئێستادا گەشتوەتە قۆناغێکی مەترسیدار [بەنسبەت خۆیانەوە] ،  چونکە جاران  تاوانبارکردنی یەکتری تا ڕادەیەک تەمومژاوی و نائاشکراو  گشتگیر بوو، بەڵام ئیستا کۆدەکان شکێنراون و  بەناو  و فاکت باسی دزی و تاڵانی و پیاوکوژی یەکتر دەکەن.

بە ئەستەم دو یا سێ سەرکردەی یەکێتی دەستدەکەون کە بڕێک تەبابن، هەر هەموویان لە بۆسەدان بۆ یەکتر و چاوەڕێی ئەو چرکەساتەن چی لە هەگبەکەیاندا هەیە بەرامبەر بە یەکتری هەڵی ڕێژن.

پی دەچێت ماڵباتی تاڵەبانی تا ڕادەیەک تەبایی و هاولێتێگەشتن لە نێوانینادا هەبێت ،  یاخود گەر کێشەش هەبێت  تائیستا خەفەکراوەو نەکەوتوەتە سەر سەتح . چونکە لە ئیستادا هەموو بنەماڵەکە کار بۆ پەراوێزخستن و دەستەمۆکردن و پەراوێزخستنی {نەیارەکانیان }دەکەن. هاوکات مادام مەسەلەکە پەیوەندی بە دەسەڵات و پارەوە هەیە ،هیچ گەرەنتیەک نیە بۆ بەردەوامبوونی ئەم تەباییە ،ڕۆژێک دێت وەک  ڕووداوەکانی نێو فلیمی   [   Godfather] ی مافیایی شیرازەی ئەو پەیوەندیە خێزانیە تێکدەچێت و ئاکارێکی دوژمنکارانە وەردەگرێت..

هەفتەی پێشو مەحمود سەنگاوی لە سۆران دابەزیە سەر سەرکردایەتی  و لە نێویاندا قوباد تاڵەبانی . لەهەیبەتی هێنایە خوارەوەو زۆر ناشیرنی کرد، بەوەی  بە جانتا هەڵگری نێچیر ناوزندی کرد.

من نازانم جانتای بۆ نێچیر هەڵگرتوە یا نا ،لێ شتێک لای هەمووان ڕوونە ئەوەیە کە قوباد پارێزەری بەرژەوەندیەکانی ماڵباتی تاڵەبانیە لە حکومەتدا  ،هەر ئەمەشە وای کردوە کە زۆر بێ هەڵویست و بێ دەنگ بێت  لە ئاست ئەم  دۆخە سەخت و نالەبارەی کوردستانی پێدا گوزەردەکات ، کە هەر خۆیان بەهۆی سیاسەتیێکی شکستخواردوەوە  خولقاندویانە.

پەیدابوونی فیرعەونەکان

 

لەبەرمبەردا قوباد تالەبانی بەرسیڤی مەحمود سەنگاوی دایەوە ، بەجۆرێک هەرچی لەژێر بەڕەبوو هێنایە سەربەڕە.

دیارە هەرچی قوباد دەربارەی سەنگاوی گووتی هەر هەموی ڕاستەو بە زیادیشەوە. ئەوان زۆ زۆر باش یەکتر دەناسن کورد واتەنی [سڕوتڕی یەکتر دەزانن]. هەروەها ئەوەش سەنگاوی بەرامبەر بە قوبادی و سەرکردایەتی حیزبەکەی گووتی دیسان راستن.

پرسیارەکە لەوەدایە گەر حیزبەکەتان پڕە لە پۆخڵەوات . لە ناوەوە بۆگەن بووەو ئیستا بۆنەکەی دێتەو دەرەوە، بۆ [26] ساڵە بێدەنگیتان لێ کردوە؟

بۆ وەرامی ئەم پرسیارە دەبێ بگەڕێینەوە بۆ سەردەمی دەسەڵاتی یەکیتی لە مەملەکەتی سەوز.وە بەتایبەتیش پاش هاتنی پارەیەکی زۆر بۆ کوردستان  لە بەغداوە[٪17]. ئەمەش بووبە خێر بۆ یەکێتی و پارتی  .وێرای کڕینی  ویژدانی خەڵک بە  نێوی مووچەی بندیوار ،هەژموونی خۆیان بەسەر زۆربەی  بوار و جوڵە ئابوری و بازرگانیە هەستیارو گرنگەکاندا  سەپاند.

هیچ کایەیەکی ئابووری نەما هەریەکەیان لە زۆنی خۆی ،کۆنترۆڵی نەکەن .

ئەمەش دەرفەتێک بوو بۆ کۆکردنەوەی سامانێکی زۆر بۆ حیزبەکەیان ،هاوکات بۆ تاکەکانی سەرکردایەتی و خوارتریش .

تاڵەبانی خودی خۆی تا لە ژیاندا بوو دەستی بەسەر داهاتی {یەکێتی]دا گرتبوو ، کە لە ژێر نێوی {ئیدارەی گشتی} و کۆمپانیاکانی [گرووپی نۆکان] دا کارەکانی دەچووە ڕێوە .سەرجەم  سەرکردەکان بە کۆسرەت و بەرهەمیشەوە ،هەرگیز نەیاندەزانی داهاتی یەکیتی چەندە و چۆن خەرج دەکرێت و  لە کوێ دانراوە .

هێدی هێدی وای لێهات داهاتی یەکێتی بوو بە داهاتی ماڵباتی تاڵەبانی و داهاتی ماڵباتی تاڵەبانیش بوو بە هی یەکیتی ، بەجۆرێک ئەو دوو داهاتە ئامیتە بوون، کەس نەیدەزانی لێکیان جیا بکاتەوە. کۆدی ئەم پارانە لای خودی مام جەلال بوو ،کەس نەیدەوێراو بۆی نەبوو لەوبارە هیچ بپرسیت.

پاش نەخۆش کەوتنی مام جەلال ئەو کۆدە کەوتە دەست هیرۆ خان و کوڕەکانی، بەتایبەت باڤل.

 

دەمێک وە  لە حاڵەتێکی ئەوهادا سکرتێری حیزب  ڕێگە بە گەندەڵی بۆ خودی خۆی ، بۆ هاوسەرو خوشکی هاوسەرو ئاوەڵزاوا و برازاکانی و کەسە نزیکەکانی  بدات ، ڕێگەیان بۆخۆشبکات، چاوپۆشیان لێ بکات ، بێگومان  ئەندامانی دیکەی سەرکردایەتی هەستی پێ دەکەن و دەیبین کە فلان پرۆژە هی هێرۆ خانە فڵان هی شانازە فڵان هی لاهورە یا ئاراس یا شیخ لەتیفە . ئێ ئەوانیش  بۆ بەدەستهێنانی پارە هەمان ڕێگەی نایاسایی و ناشەرعی دەگرنە بەر ،بێگومان مام چاو پۆشی لەوانیش دەکات .چاوپۆشیکردنی مام جەلال لە فیرعەونەکانی سەرکردایەتی ،دەگەڕێتەوە بۆ ئەوەی، یەکەم  خۆی  ئاوەکەی ڕشتوەو ئەمان تەنها پێیان تێخستووە ،  دووەم ئەوەیە کە مام پێی وابوو بەو جۆرە  چاوپۆشینە لە گەندەڵکاران دەیانبەستێتەوە بە خۆیەوەو هەرگیز سەرەڕۆیی ناکەن [هەرواش بوو].هەر کات  هەر جۆرە سەرپێچیەکیان لێ دەرکەوێت ، بەو دزی و گەندەڵیانە دەیانترسێنێت.

دەردەکەوێت لە ماوەی [ 26] ساڵی دەسەڵاتی یەکێتیدا لە زۆنی سەوز ،مام جەلال بەدستی خۆی هەزارەها بەچکە فیرعەونی درووست کردوە ، کە لە  ئێستادا فیرعەونی مەزنی ترسناکیان لێدەرچووەو بوونەتە کەڵەگاو   دێو ودرنج و کەس پییان ناویرێت و کۆنترۆڵکردنیان ئەستەمە.

دەتوانین  کۆپیەکی ئەم حاڵەتە  لە کن پارتیش بدۆزینەوە  ،تەنها جیاوازی ئەوەیە ،هەنووکە  لەوێ [Godfather ]کۆنترۆڵی دۆخەکەی کردوە ، ئیدی لە نێو سەرکردایەتی پارتدا بێت یا لە نێو بنەماڵەکەیدابیت. کەی ئەو کۆچی دوایی کرد یا  تەمەن ڕێگر بوو لە سەپاندنی دەسەڵاتی خۆیدا  و کۆنترۆڵی لەدەستدا ،ئەو دەمە  ئەگەرێکی زۆر  لەئارادا دەبێت کە لەوێش هەمان کێشە وململانێ  سەرهەڵبدات .

خۆلاسە لە هیچ شوێنێک  دیکتاتۆر ،زۆر دار ، مرۆڤ کوژ ، دز ، گەندەڵ، پەیدانابێت گەر ڕێگەی بۆ خۆشنەکرێت، گەر چاوپۆشی لە کارەکانی نەکرێت.

جا با کاک قوباد بزانێت ئەو سەرکردانەی  کە بە فیرعەون  ناویان دەبات ، لە خۆڕا پەیدانەبوون  بەڵکو هەر هەموویان بەرهەمی کارە چەوتەکانی فیرعەونی  باوکن.

 

سەرنج/

بەر لە دوو هەفتە کاک شۆڕش محەمەد سەرنووسەری ڕۆژنامەی ژیان داوی لێکردم بابەتێک بنووسم بۆ ژمارەی داهاتوویان .منیش ئەم بابتەم نووسی و ناردم بۆی. مەخابن لەو ژمارەیدا بڵاو نەکرابوویەوە ،دەمێک لە هۆکارەکەم پرسی ،کاک شۆڕش گووتی کە لە ژمارەی داهاتوودا دادەبەزێت، لەم ژمارەشدا کە یەکشەممە بوو دانەبەزی ،هۆکارەکەیم لە کاک شۆڕش پرسی ،لە وەرامدا گووتی ڕوداوەکانی بەسەرچووە و  کەمێکیش  تووندە.

ئەمە پێمان دەڵیت گەرەکە  لەمەودوا وتارەکانمان بەدڵی دەسەڵات بنووسین و ببینە ڕاپۆرتنووسی دەسەڵاتت.

من بەوجۆرە دەنووسم کە خۆم قەناعەتم پێیەتی نەک ئەوەی کە دەسەڵات بەدڵیەتی.

 

 

 

 

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە