Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
هه‌ینی 5 كانونی دووه‌م 2018

ئەردۆگان لە کۆنگرە رۆژنامەنووسیەکەش ریسوا دەکرێت و ماکڕۆنیش بە دۆخە زەلیل و پەرچەکردارییەکەى پێدەکەنێت!

بەروار : 05 كانونی دووه‌م 2018
If you thought this page is useful to your friend, use this form to send.
Friend Email
Enter your message

دیار عەزیز شەریف

رۆژنامەنووسێکى فەڕەنسى لە کۆنگرەى رۆژنامەوانییەکەى ئەمڕۆى نێوان ماکڕۆنى سەرۆکى فەڕەنسا و ئەردۆگانى سەرۆکى تورکیا
بە پرسیارێکى تەواو ئەردۆگان دەشڵەژێنێت و دەیخاتەوە سەر دۆخە هیسترییەکەى خۆى کاتێک پێى دەڵێت بەگوێرەى بەڵگە و لێکۆڵینەوەکانى چەند ساڵى رابردوو، ٢٠١٣، ٢٠١٤، بە پشت بەستن بە راپۆرتە رۆژنامەوانیەکان و دانپێدانانى جیهادییە بیانیەکان، دەزگاى هەواڵگرى فەڕەنسى و ئەڵمانى تەواو ئەوەیان بۆ دەرکەوت کە تورکیا بە ناردنى چەک بۆ سوریا پشتیوانى گروپ و رێکخراوە تیرۆریستەکانى کردووە، کەواتە پرسیارەکە ئەوەیە بە لەبەرچاوگرتنى ئەم رووداوانەى ئەم دواییەى تورکیا و پشتیوانیتان بۆ گروپە جیهادییەکان، ئێستا فەڕەنسا چۆن بە ئێوە (دەوڵەتى تورک) باوەڕدەکات کە لەگەڵیدا لە بەرەى دژ بە تیرۆردا بن؟
بەمەش رۆژنامەنووسەکە ناڕاستەوخۆ بە بیر ئەردۆگان دەهێنێتەوە کە تیرۆریستێک هەبێت خۆت و رژێمەکەتى، کەچى هێشتا بەردەوامى لەوەى کە راى گشتى چەواشە بکەیت بەوەى گوایە دژ بە تیرۆر و تیرۆریستانیت؟!!
ئەردۆگان لە وەڵامدا بە شڵەژاویى سێ جار لەسەریەک بە رۆژنامەنووسەکە دەڵێت کێ کێ کێ دەڵێت چەک و تەقەمەنیمان رەوانەى سوریا کردووە؟ رۆژنامەنووسەکە ئاماژە بە راپۆرتەکەى رۆژنامەى جمهوریەتى تورکى و خودى دەزگاى هەواڵگرى تورکیش دەدات کە ئەوەیان پشتڕاستکردبوووە لە ٢٠١٣ و ٢٠١٤ کە چۆن لەرێى سنوورەوە چەک و تەقەمەنى قورس لە تورکیا بۆ گروپە تیرۆریستەکان رەوانە کراوە.
ئەردۆگان بە رۆژنامەنوسەکە دەڵێت تۆ وەک ئەندامێکى فەتحوڵاگولەن قسە دەکەیت نەک رۆژنامەنووس، نا، تۆ رۆژنامەنووس نیت، لەو شوێنە ماکڕۆنى سەرۆکى فەڕەنسا پێى پێدەکەنێت…..ئەردۆگان زیاتر هەڵدەچێت و دەڵێت ئەمریکا زیاتر لە ٤٠٠٠ بارهەڵگرى لە چەک و تەقەمەنى رەوانەى سوریا کردووە ئێوە وەک رۆژنامەنووس بۆچى پرسیار لەمە ناکەن….مەبەستى ئەردۆگان لەم چەک و تەقەمەنیانەیە کە ئەمریکا و هاوپەیمانان لە چەند ساڵى رابردوو لە چوارچێوەى شەڕى دژ بە تیرۆر (داعش) چەک و تەقەمەنى گەیاندووەتە دەست شەڕڤانانى یەپەگە و هێزەکانى سوریاى دیموکراتى.
فاشیزمى تورکى بەدەست کوردى ئازاد، ئینجا لە هەر پارچەیەکى کوردستان بێت نەک هەر باکوور، تووشى هیستریا و تێکشکانێکى گەورە بوەتەوە، بۆیە ئەردۆگان هەر لە هەمان کۆنگرەى رۆژنامەوانى راستەوخۆ هێرش دەکاتە سەر رۆژئاواى کوردستان و داوا لە ئەمریکا و ئەوروپا دەکات کە چیدیکە هاوکارى رۆژئاڤا نەکەن و پەیەدە وەک لایەنێک لە داهاتووى سیاسى سوریا بخەنە دەرەوە.

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە