Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
یه‌ك شه‌ممه‌ 8 نیسان 2018

حاجی حەسەن: ئەوانەی گرێدراوی بارزانی‌و ئەردۆغانن بەبوونی پەكەكە لەشنگال رازینین

بەروار : 08 نیسان 2018
If you thought this page is useful to your friend, use this form to send.
Friend Email
Enter your message

 

حاجی حەسەن ئەندامی پارتی ئازادی دیموكراتی ئێزیدی لەشنگال، دەڵێت: “ئەوانەی گرێدراوی بارزانی و ئەردۆغان‌و عەرەبی سونەن دەڵێن پەكەكە زیانی بۆ شنگال هەبووەو پێیان خۆشبوو پەكەكە شنگال چۆڵ بكات، ئەگەرنا پەكەكە شەنگالی پاراست و لەگەڵ خەڵكدا بوو”.

حاجی حەسەن بۆ دەنگی ئەمریكا دەشڵێت: “مەترسی ڕاستەقینەی ئێستا لەسەر شنگال گەڕانەوەی پێشمەرگەیە بۆ شنگال، كە ئەمە خەڵكە ڕاستەقینەكەی شنگال نایانەوێت‌و دەیانەوێت سوپای عێراق لەشنگال بێت”، هەروەها وتی: “بەچاوەكانی خۆم بینیم‌و ئێستا من لەشنگالم، كە پەكەكە شنگالی بەجێهێشت.”

پێشتر هەریەكە لەقاسم شەشۆو حەیدەر شەشۆ دوو سەركردەی دیاری ئێزیدی ڕایانگەیاندبوو: “بەهۆی مامەڵەی خراپی پەكەكەوە خەڵكی شەنگال و ئێزیدیەكان بێزاربوون لەپەكەكە چونكە ئەوان منداڵی كوڕ و كچی ئێزیدییان دەفڕاند.”

بەڵام حاجی حەسەن ئەندامی پارتی ئازادی دیموكراتی ئێزیدی لەشنگال دەڵێت: “پەكەكە و یەپەژە و پەیەدە ئەو هێزانەن، كە خەڵكی شنگال ناتوانن لەبیرییان بكەن، چونكە ئەوان لەكاتی كارەساتەكەی شەنگالدا تاكە هێزبوون كە هاتن بەدەم خەڵكەوە.” حاجی حەسەن هەریەكە لە قاسم شەشۆ و حەیدەر شەشۆی تۆمەتباركرد بەوەی ئەوان فشارین لەخەڵك كردووەو وتیشی: “حەیدەر شەشۆ و قاسم شەشۆ فشارییان لەخەڵك دەكرد تا بڵێن پەكەكە كوڕ و كچیان بردوین،هەر ئەوان فشاریان لەخەڵك دەكرد كە نەپەڕنەوە بۆ ئەو دیو سنور و ژیانیان پارێزراو بێت،ئەگەرنا خەڵكی ڕاستەقینەی شەنگالی و ئێزیدی چاكەی ئەو هێزەیان بیرناچێت كە یارمەتی دان لەكاتی كارەساتەكەدا،بەڵام خەڵكی گرێدراو بە بارزانی و ئەردۆغان و عەرەبی سوننە لەبونی پەكەكە بێزاربون و داوای دەرچونی پەكەكەیان دەكرد لەشەنگال”

هەروەها ئەو سەركردە ئێزیدییە هەریەكە لەحەیدەر شەشۆ و قاسم شەشۆی تۆمەتباركرد بەوەی سەر بە پارتی دیموكراتی كوردستان‌و وتی: “جارێ قاسم شەشۆ سەركردەی هێزی پاراستنی ئێزیدی نییە، هەریەكە لەحەیدەر شەشۆ و قاسم شەشۆ سەركردەی هێزی پێشمەرگەی گرێدراوی وەزراتی پێشمەرگە و بارزانین، بەڵام نازانم حەیدەر شەشۆ بووەتە پارتی‌و سەركردەی هێزێكە كە گرێدراوی بارزانییە.”

قاسم شەشۆ ڕاشیگەیاندبوو “لەدوای داعش مەترسی گەورە لەسەر شەنگال پەكەكەیە،پەكەكە ڕاست ناكات نەكشاوەتەوە لەشەنگال ئەوە درۆی نیسان و نمایش بوو كردییان،هەروەها ڕەتیشیكردبووەوە، كە خەڵك بۆ ڕۆیشتنی پەكەكە گریبێت” وتی: “ئەوە كۆمەڵێك شەلاتی و بێ عەقڵی خۆیان وون هێنابویان بۆ نمایش ئەگەرنا لەژێرەوە پێدەكەنین.”

بەڵام حاجی حەسەن ئەندامی پارتی ئازادی دیموكراتی ئێزیدی وتی: “بەچاوی خۆم بینیم پەكەكە لەشەنگال لە ڕۆژی(١)ی مانگ كشانەوە،وە خەڵكە ڕەسەنە ئێزیدییە قوربانیەكە زۆر دڵتەنگ بون و دەگرییان و خەڵك خۆی بەمەراسیم بەڕێیانی كرد،بەڵام دوبارەی دەكەمەوە ئەوانەی سەر بە بارزانی و ئەردۆغان و عەرەبی سونە بون پێیان خۆشبوو پەكەكە لەشەنگال بڕوات.”

حاجی حەسەن ئەوەشی وت: “لە ئێستادا مەترسی گەورە ڕاستەقینە لەسەر شەنگال بەتەنها گەڕانەوەی پێشمەرگەیە بۆ ناو شەنگال،خەڵكی ڕاستەقینەی شەنگال و ئێزیدی نایانەوێت پێشمەرگە بگەڕێتەوە دەیانەوێت سوپای عیراق وە ئێزیدییەكان خۆیان هێزی پاراستنی خۆیان هەیەدەمانەوێت تەنها ئەوان لەناو شەنگال بن چونكە ئێمە ئێزیدی عیراقین و لەژێر دەستی پێشمەرگە ئەو كارەساتە گەورەیە بەسەر شەنگالدا هات و كچ و ژنمان بران ئەوان بوون بەرگرییان نەكردن و ڕایانكرد،ئەوەوە پەكەكە بوو بەتەنیا بەرگرییان لێكردین.” هاوكات وتیشی: “ئەگەر ئێستا توركیا هێرش بكاتە سەر شەنگال ئەوا هێرش دەكاتە سەر كۆمەڵگای ئێزیدی چونكە پەكەكە لەشەنگال نەماون.

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە