Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
پێنج شه‌ممه‌ 10 ئایار 2018

به‌ ڤیدیۆ:31 ملیۆن دۆلاری كاشی هادی عامری له‌ ده‌روازه‌ی مونزیریه‌ی خانه‌قین ده‌ستی به‌سه‌ردا ده‌گیرێت

بەروار : 10 ئایار 2018
If you thought this page is useful to your friend, use this form to send.
Friend Email
Enter your message

 

به‌ گوێره‌ی گرته‌یه‌كی ڤیدیۆیی كه‌ له‌ تۆڕه‌ كۆمه‌ڵایه‌تییه‌كان بڵاوكراوه‌ته‌وه‌، ده‌رده‌كه‌وێت، 31 كارتۆن دۆلاری كاش له‌ ده‌روازه‌ی سنووری مونزیریه‌ی خانه‌قین ده‌ستی به‌سه‌ردا گیراوه‌.

به‌ گوێره‌ی ئه‌و كه‌سه‌ی گرته‌ ڤیدیۆییه‌كه‌ی تۆماركردووه‌ و قسه‌ ده‌كات، ئه‌و كارتۆنانه‌ وێنه‌ و پۆسته‌ی هادی عامری، سه‌رۆكی هاوپه‌یمانی فه‌تحی به‌ سه‌ره‌وه‌یه‌ و به‌و جۆره‌ ویستوویانه‌ ئه‌و بڕه‌ پاره‌یه‌ له‌ ئێرانه‌وه‌ ره‌وانه‌ی عێراق بكه‌ن، كه‌ به‌ 31 ملیۆن دۆلار ده‌خه‌مڵێنرێت.

به‌ گوێره‌ی ئه‌و كه‌سه‌ی له‌ ڤیدیۆكه‌دا قسه‌ ده‌كات، ئه‌وان به‌غدایان له‌ رووداوه‌كه‌ ئاگاداركردووه‌ته‌وه‌، هاوكات له‌ به‌رپرسانی باڵای وه‌زاره‌تی ناوخۆ، میلیشیاكانی عه‌سائیب و به‌دره‌وه‌ په‌یوه‌ندییان پێوه‌ كراوه‌.

ئه‌و كه‌سه‌ باس له‌وه‌ش ده‌كات، میلیشیای عه‌سائیب ئه‌هلولحه‌ق، هه‌ڕه‌شه‌ی جووڵاندنی هێز ده‌كه‌ن ئه‌گه‌ر ئه‌و پارانه‌ ئازاد نه‌كه‌ن.

قسه‌كه‌ره‌كه‌، كه‌ ده‌موچاوی له‌ گرته‌ ڤیدیۆییه‌كه‌ ده‌رنه‌كه‌وتووه‌ و ناسنامه‌ی خۆیشی ئاشكرا نه‌كردووه‌، داوا له‌ سه‌رۆك وه‌زیرانی عێراق ده‌كات، سوپا بۆ ده‌روازه‌ سنوورییه‌كه‌ ره‌وانه‌ بكات و دۆخه‌كه‌ كۆنتڕۆڵ بكات، چونكه‌ هێزێكی میلیشیاكان له‌ به‌غداوه‌ به‌رێكه‌وتووه‌ بۆ ناوچه‌كه‌.

هادی عامری كه‌ سه‌رۆكایه‌تی هاوپه‌یمانی فه‌تح ده‌كات له‌م هه‌ڵبژاردنه‌ی عێراق و هاوپه‌یمانێتییه‌كه‌ له‌ میلیشیاكانی حه‌شد پێكهاتوون، هیچ روونكردنه‌وه‌یه‌كیان له‌ باره‌ی ئه‌و 31 كارتۆن دۆلاره‌ بڵاونه‌كردووه‌ته‌وه‌.

 

 

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە