سێ شه‌ممه‌ 19 حوزه‌یران 2018

بۆ بەرەی ناڕازیی و لایەنە دەنگ لێدزراوەکان ،گەر کات نەبڕن ، ئەوا کات ئامادەیە بۆبڕینتان .

بەروار : 19 حوزه‌یران 2018
If you thought this page is useful to your friend, use this form to send.
Friend Email
Enter your message

 عەبدولڕەحمان عەلی ڕەزا  

کۆمسیۆنی هەڵبژاردنەکان وڕاپرسی لەهەرێم ڕۆژانی (۱۸ تا ۲۱) ی حوزەیرانی دیاریکردوە تاکو قەوارەولایەنە سیاسیەکان هاوپەیمانێتی پێکبهێنن بۆبەشداریکردن لەهەڵبژاردنی پەرلەمانی کوردستان کەبڕیارە لە (۳۰)ی ئەیلولی ( ۲۰۱۸)دا ئەنجام بدرێ.
لەئێستادا چەند لایەنێکی سیاسی ناڕازی وخاوەن جەماوەری بەرفراوان هەن کەجگەلەوەی ناڕازین لەشێوازی حوکمڕانی وئەدائی کارکردنی دەسەڵاتدارانی ئێستا ، لەهەڵبژاردنەکانی ئەنجومەنی نوێنەرانی عێراقیشدا کەلە (۱۲)ی ئایاری ڕابردوو ئەنجامدرا ،
ساختەکارییەکی زۆرو زەوەندلەدەنگەکانیانداکرا .
لەوساتەوە پێیان دەوترێت لایەنە ناڕازی ودەنگدزراوەکان .
دەسەڵاتدارانی ئەم هەرێمە هەموو کارێک دەکەن وهەموو هەولێکیش دەخەنەگەڕ بۆ بێ بەهاکردنی هەڵبژاردن و دەنگدان ودەنگی هاوڵاتیان ، و ئەوساختەکارییەش لەهەڵبژاردنەکانی مانگی ڕابردوو کردیان لەبەرامبەر دەنگدانی هاوڵاتیان یەکێک بوو لەهەوڵەپلان بۆداڕژراوودانراوەکانیان ، وەتائەندازەیەکیش کاریگەری کردۆتە سەر تێڕوانینی هاونیشتمانیان بۆپڕۆسەیەکی گرنگی وەک هەڵبژاردن و دەستاودەستکردنی دەسەڵات بەشێوازێکی شارستانی و دیموکراسیانە .
لەئێستاشداو لەم دۆخە ناجێگیرو ئایندە نادیارەدا تەنهاڕێگاو باشترین چارەسەریش بۆ گەڕانەوی ئومێد و بەشداریکردنی پڕجۆش وخرۆشی هاوڵاتیان لەهەڵبژاردنی پەرلەمانی کوردستان وتەنانەت ئەنجومەنی پارێزگاکانی هەرێمیش دروستکردن وپێکهێنانی بەرەیەکی پتەوبەهێزە لەژێرناوی هاوپەیمانیەتیەکدا بەبەشداری لایەنەکانی گۆڕان ، یەکگرتوو ، کۆمەڵی ئیسلامی ، هاوپەیمانی بۆدیموکراسی وداووپەروەری ،و دەرگاش واڵا بێت بۆ هەرلایەن وتەنانەت کەسایەتیەکی دیارو بەهێزی نێو گۆڕەپانی سیاسی هەرێمی کوردستان بۆبەشداریکردن تێیدا .
دروستکردنی هاوپەیمانیەتیەک لەنێوان چەندلایەن وپارتێکی سیاسی کەخاوەن جەماوەرن چەندگرنگیەکی هەیە لەوانە ؛

ــ کەمترین دەنگ لەباردەچێت ، و ئەو لایەنانەش کەدەنگی پێویست ناهێنن لەکاتی دابەشبونی دەنگەکان بەسەر لایەنە براوەکاندا زۆرترین دەنگ بەرهاوپەیمانیەتیەکە دەکەوێت .
ــ لەهەموو بنکەو وێستگەکانی دەنگداندا نوێنەری هاوپەیمانیەتیەکە ئامادەبونی دەبێت .
ــ دەتوانرێت تاڕادەیەک ڕێگیری بکرێت لەدزی وگزیکردن لەدەنگەکان .
ــ هەموو لایەنە ناڕازییەکانی نێو بەرەکە لەڕێگای کەناڵە جۆراوجۆرەکانی خۆیانەوە هەوڵەکانیان چڕوپڕترلەناوەوەو دەرەوەی هەرێم بکەنەوە لەپێناو ئەنجامدانی هەڵبژاردنێکی پاک ودوور لەساختەکاری وفێڵی جۆراوجۆری سەردەمدا. .
ــ بە بوونی بەرەیەکی بەهێز ناتوانرێت لەلایەن لایەنەکانی دەسەڵاتەوە بەئاسانی ساختەکاری ئەنجامبدرێت .
ــ بەرەیەکی بەهێزو کاریگەر سەرکەوتنی بەرەکە مسۆگەرتردەکات وکەوتنی لایەنەکانی تریش ئاسانتردەبێت لەلایەک ولەلایەکی تریشەوە هاوپەیمانەتیەکە بەبەدەسهێنانی زۆرترین کورسی پەرلەمانی دەتوانێت کارنامەو دروشمەکانی کەمپەینی هەڵبژاردنیان کەزیاتر خۆی دەبینێتەوە لەشێوازی حوکمڕانی و هێنانەدی دادی کۆمەڵایەتی و سەروەری یاساو شەفافیەتدا بخەنەبواری جێبەجێکردنەوە .
ــ لەهەمووی گرنگترو کاریگەرتر گەڕاندنەوەی تاڕادەیەکی زۆر ئومێدو هیوایە بەهەڵبژاردن وبەشدارییەکی بەرفراوانی خەڵکیە لەهەڵبژاردندا .
بۆیە چیدی هیچ بەهانەو بیانویەک نەماوە بۆپێکنەهێنان دروست نەکردنی هاوپەیمانیەتیەک لەنێوان لایەنەناڕازی و دەنگ لێدزراوەکان ، وەدەبێت زۆر باش ئەو ڕاستیەش بزانن کە تەنها سێ ڕۆژ کاتتان لەبەردەمدایە بۆپێکهێنانی هاوپەیمانیەتیەکە ،و گەر ئەم کاتەکەمەی بەردەمتان بەباشی نەبڕن وسودی لێوەرنەگرن ئەوا کات زۆر بەئاسانی دەتانبڕێت و دواتریش پەشیمانی دادی کەس نادات .
ماوەتەوە بڵێین کەئەرکی ئەو لایەنانەیە بەزوویی خواست وداوای جەماوەری کوردستان و زۆرینەی هەرە زۆری دەنگدەرەکانیان بهێننە دی کەخۆی دەبینێتەوە لەهاوپەیمانیەتیەکی گەورەو کاریگەر بۆ هەڵبژاردنی پەرلەمانی کوردستان .

 

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە