Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
سێ شه‌ممه‌ 17 ته‌مموز 2018

حزبى شیوعى :ئەو بەڵێنانەى حکومەت پیشنیارى دەکات جگە لە پینەوپورۆی رووکەشی، چارەسەری مەینەتییەکانى جەماوەر نیە.

بەروار : 17 ته‌مموز 2018
If you thought this page is useful to your friend, use this form to send.
Friend Email
Enter your message

 

بەیاننامەى مەکتەبى سیاسى حزبى شیوعى کوردستان
پاڵپشتى لە داواکارییەکانى جوڵانەوە جەماوەرییەکان دەکەین و سەرکۆنەى ڕەفتارە تووندوتیژییەکان دژبە خۆپیشاندەران دەکەین .
هەستى جەماوەر و مەینەتیە گەورەکانى ڕۆژانەیان کە ناوەندێکى بەرفراوانى جەماوەرى زەحمەتکێش لە باشوور و ناوەڕِاستى عێراق بە خۆیەوە دەبینێ، جارێکى تر جوڵەى هێزە سیاسیەکان و ململانێکانیانى تێپەڕاند کە پاش هەڵبژاردنەکانى ئەنجومەنى نوێنەرانى عێراق و ئەو گاڵتە جاڕیانەى تیایدا ڕویداوە، و کۆبونەوەکان لەسەر پێکهێنانى گەورەترین قەوارە لە سایەى دەستێوەردانى هێزە هەرێمایەتى و نێودەوڵەتیەکاندا تێکرای ئەم بابەتانە جەماوەری بەتەواوی بێزارکرد، بەتایبەتی ڕەفتارو لێدوانەکان و ئەوەى لە پشتى پەردەوە دەگوزەرێ بۆتە ھۆی ئاڵۆزبوونی قەیرانە سەرتاپاگیرییەکان کە دەرئەنجامى تەشەنەکردنى گەندەڵى و ئەو سیاسەتە ئابوورییانەیە، کە گونجاوە لەگەڵ تێڕوانینەکانى سندوقی دراوى نێودەوڵەتى و بانکى نێودەوڵەتى و سەروەربوونى ئابوورى بەرخۆر، هاوکات لەگەڵ گەندەڵى ئاشکرا لە سیاسەتى نەوتیدا کە بونیاتنراوە لە سەر بنەماى زیادەڕەوى لە وەبەرهێنان و خولەکانى مۆڵەت پێدانەکان و فرۆشتنى زەوییە کشتوکاڵێیەکان بە کۆمپانیاکانى وەبەرهێنانى نەوت، و ئەم سیاسەتانەش هاوکات بوو لەگەڵ خراپبوونى خزمەتگوزارییەکان لە بوارى کارەباو ئاوى خواردنەوە و کەمى لە خزمەتگوزارییەکانى شارەوانى و تەندروستى.
هەر وەک پێشبینى دەکرا ، جوڵانەوەى جەماوەرى پێش دەستپێشخەرییەکان و پێشبینییەکانى حزبە سیاسیەکان کەوت وێڕاى هەوڵەکانى هەندێ لایەن بۆ بەکارهێنانى ئەم جوڵانەوەیە بۆ مەرام و مەبەستى تەسکى حزبایەتى.
جوڵانەوە جەماوەرییەکان لە شاری بەسرە کە لەسەر دەریای نەوتە و دانیشتووانەکەى بە مەینەتى دەژین ، دەستیپێکرد و هەر زوو وەک ئاگر تەشەنەى کرد و گەیشتە پارێزگاکانى سەماوەو ناسریە و عەمارە و نەجەف و کەربەلا و بابل و شوێنەکانى تر، و هەندێ ناوچەکانى شارى بەغداش جوڵانەوەى هاوشێوەى بەخۆیەوە بینى .
بەرفراوانبوونى جولانەوەى جەماوەرى بەم شێوازە، گوزارشتێکى ئاشکرای شکستهێنانى حوکمرانى و قەیرانى گشتگیرى دەوڵەتى عێراقە بەهۆى سیاسەتەکانى ئیسلامى سیاسى و ئەزمونەکانى لە حوکمڕانیدا بە گشت پێکھاتە جۆراوجۆرەکانییەوە کە ھەردەم چارەسەری قەیرانێک بە خوڵقاندنى قەیرانێکى تریان ئەنجامداوە و سیاسەتی ئیسلامی سیساسی بۆتە ھۆی بڵاوبونەوەى تایەفەگەرى و تیرۆر و بەردەوامیشە لەسەر رێبازی پشک پشکێنەو کار بۆ دۆزینەوەى هاوپەیمانی حزبە تایەفەگەرییەکان لە ژێر ناوى ئەنجامدانی قەوارەى تێپەڕێنەرى تایەفەگەرى دەدات.
حزبمان ، حزبى شوعى کوردستان ، پاڵپشتى لە داوا ڕەواکانى جوڵانەوە جەماوەرییەکان دەکات و بانگەوازى پاراستنی مۆرکی ئاشتى جوڵانەوەکە و ئاراستە دیموکراتى و مەدەنى و دروشمە دادپەروەرەکانى دەکات، هەروەها سەرکۆنەى ئەو ڕەفتارە سەرکوتکەرانە دەکات کە حکومەت دژى خواستەکانى جەماوەر و گوزارشتکردنى لە داواکارییە ڕەواکانى، پیادەیدەکات، و حزبمان پێى وایە کە ئەو بەڵێنانەى حکومەت پیشنیارى دەکات جگە لە پینەوپورۆی رووکەشی، چارەسەر و وەڵامێک بۆ قوڵى قەیران و مەینەتییەکانى جەماوەر نیە.
داواکارییە ڕەوا ڕۆژانەییەکانى جەماوەر پێویستە هاوتەریب بێت بەکارکردن لە پێناو سەرلە نوێ بونیاتنانى پەیکەرى دەوڵەت و چارەسەرکردنى قەیرانەکانى و پێدانى دەسەڵاتى تەواو و بە پێى دەستوور بۆ پارێزگاکان و دەستە هەڵبژێردراوەکانى و تەرخانکردنى داهاتى پێویست بۆ خزمەتگوزارییە بنچینەییەکان و ئاراستەکردنى هەوڵدانى جدى بۆ بەگژاچوونەوەى گەندەڵى لە ڕێگەى میکانیزمەکانى چاودێرى جەماوەرو دانانى سنورێک بۆ کارتێکردن لە ئاراستەکردنی جەماوەر لە ڕێگەى هەڵاواردنى فەتوا ئایینیەکان .
ئێمە لە کاتێکدا ، یادەوەرى شۆرشى گەلەکەمان و هێزە نیشتمانییەکانى لە 14ى تەمموزى ساڵى 1958 دەکەینەوە و ئاماژە بۆ ئەو دەستکەوتانەى ئەم شۆڕشە لە بەرژەوەندى هەژاران و زەحمەتکێشانى گەلەکەمان بەدەستی هێنابوو، پێمان وایە کە جێگرەوە و ئەڵتەرناتیفى راِستەقینە بۆ کۆتایھێنان بە خراپبوونى ڕەوشەکە و ئاوڕدانەوە لەداواکارییەکانى جەماوەر و چارەسەر کردنى قەیرانە سەرتاپاگیرەکانى حوکمڕانى، بریتییە لەکارکردن و تێکۆشان لە پێناو جێگرەوەى دیموکراسى مەدەنى عەلمانى و بونیادتنراو لەسەر هاوسەنگی و هاوبەشى و ڕێزگرتن لە ئیرادەى ڕاستەقینەى سەرجەم پێکهاتەکان لە دەوڵەتى عێراق، و گرتنەبەرى ڕێبازى سیاسەتێکى ئابوورى ئەقڵانى کەتایبەتمەندى لەڕادەبەدەر ڕابگرێ و پلان داڕێژێت بۆ گەشەپێدانى درێژخایەن کە ڕەچاوى پێداویستییە کردەییەکانى زەحمەتکێشان و چینى ناوەڕاست و کارگەرانى بیرو بازوو بکات .
سەرکەوتن بۆ ئیرادەى تێکۆشەرانەى جەماوەر لەپێناو گۆڕانکارى کۆمەڵایەتى .

مەکتەبى سیاسى
حزبى شیوعى کوردستان
14ى تەمموزى 2018

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە