یه‌ك شه‌ممه‌ 4 تشرینی دووه‌م 2018

١٤ گرووپی بیانی بەرهەمیان بۆ فێستیڤاڵی شانۆی کوردی سەقز ناردووە

بەروار : 04 تشرینی دووه‌م 2018
If you thought this page is useful to your friend, use this form to send.
Friend Email
Enter your message

 

بەڕێوەبەری گشتیی فەرهەنگ و ئیرشادی ئیسلامی کوردستان وتی: ١٤ شانۆ لە سێ وڵاتی دەرەکی ڕەوانەی نووسینگەی پانزدەهەمین فێستیڤاڵی نێونەتەوەیی شانۆی کوردی لە سەقز کراون.

بە ڕاپۆرتی ئاژانسی هەواڵی مێهر، جەلال قەلعەشاخانی لە کۆبوو‌نەوەی بنکەی بەڕێوەبەری پانزدەهەمین فێستیڤاڵی نێونەتەوەیی شانۆی کوردی سەقز لە سنە ڕایگەیاند: تا ئێستا ٦٩ گرووپی شانۆیی دەقی شانۆنامە و CDی کارەکەیان ڕەوانەی نووسینگەی ئەم خولە لە فێستیڤاڵی شانۆی کوردی کردووە.

وتیشی: ١٤ بەرهەمی شانۆییش لە وڵاتانی سووریا، هەرێمی کوردستان و کوردستانی تورکیاوە گەیشتۆتە نووسینگەی پانزدەهەمین خولی فێستیڤاڵی نێونەتەوەیی شانۆی کوردی سەقز.

بەڕێوەبەری گشتیی فەرهەنگ و ئیرشادی ئیسلامی کوردستان بە ئاماژە بەوەی کە دوای پێداچوونەوە و لێکدانەوەی داوەرانی قۆناغی یەکەم، ١٢ گرووپی شانۆیی بۆ بەشی کۆتایی فێستیڤاڵ دەناسرێن، جەختی کرد: ئەوساڵ لە پێناو نرخاندنی فەزای فەرهەنگی و بەهادان بە بە بەرهەمە شازە هونەرییەکان و گۆرانکاری لە پێکهاتەی ئەم خولە لە فێستیڤاڵ، فێستیڤاڵ بە شێوەی ناڕکابەرانە بەڕێوە دەبرێت.

ناوبراو بە ئاماژە بەوەی کە لە ماوەی ٤ رۆژی بەڕێوەچوونی پانزدەهەمین خولی فێستیڤاڵی نێونەتەوەیی شانۆی کوردی سەقز ٣ گرووپی شانۆیی بیانی و ٩ گرووپی ناوخۆیی بەرهەمەکانیان دەبەنە سەر شانۆ، ڕایگەیاند: لە پەنای نمایشی بەرهەمە شانۆییەکان، دانیشتنی لێکدانەوە و هەڵسەنگاندنی بەرهەمەکان بە بەشداری و ئامادەبوونی کارناسان و مامۆستایانی گەورەی شانۆی کوردی لە ئاستی وڵات بەڕێوە دەچیت.

بە وتەی قەلعەشاخانی ئامانجەکانی ئەمساڵی فێستیڤاڵی شانۆی کوردی بریتین لە نرخاندنی زمانی کوردی وەک هاندەر و پاڵپشتێکی دەوڵەمەند بە پێی ڕەسەنایەتی و بایەخە فەرهەنگییەکان و بە داکۆکی لە میراتی نیشتمانی و ئیسلامی، ڕوانینێکی نوێ بە فەرهەنگی خێڵەکی و ڕێوڕەسم و ئایینە نوریتییەکان لە ناوچە کوردنشینەکان، ڕەخساندنی بەستێنێکی گونجاو و کەشێکی فەرهەنگی بۆ ئاڵوگۆڕکردنی ئەندێشەگەلی داهێنەرانە و نوێگەرانە لە نێوان هونەرمەندانی بۆاری شانۆ و جەماوەر، داڕشتنەوەی داهێنەرانەی حیماسە، ئایین و ڕێوڕەسمە نیشتمانی و ئایینییەکان لە رێگەی هونەری بەرزی شانۆ.

پانزدەهەمین خولی فێستیڤاڵی نێونەتەوەیی شانۆی کوردی سەقز لە لایەن ئیدارەی گشتیی فەرهەنگو ئیرشادی ئیسلامی کوردستان و بە هاوکاریی پارێزگاریی کوردستان، ئیدارەی گشتیی هونەرگەلی شانۆیی وەزارەتی فەرهەنگ و ئیرشادی ئیسلامی، جێگرایەتی پارێزگاری و فەرمانداریی تایبەتی سەقز، سارەوانی و شۆڕای ئیسلامی شاری سەقز و … بە شێوەی ناڕکابەرانە بۆ ماوەی ٤ رۆژ لە ٧ تا ١١ی خەزەلوەر لە شاری سەقز بەڕێوە دەچێت

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە