پێنج شه‌ممه‌ 29 تشرینی دووه‌م 2018

بەڵگەی تەسلیم کردنی خاڵە سنوریەکان و گومرگی ھەرێم بۆ ژێر سەرپەرشتی ناوەند..

بەروار : 29 تشرینی دووه‌م 2018
If you thought this page is useful to your friend, use this form to send.
Friend Email
Enter your message

 

دەسەڵاتی فیدرالی خۆی لەسێ سێکتەر دەبینێتەوە.. ستێکتەری یەکخستنی تەرعیفەی گومرگ و سەرپەرشتی دەروازە سنووریەکان و فرۆکەخانەکان.. دووەمیان داھات و نەوت. سێیەمیان ھێزی سەربازی..

بەگوێرەی ئەم بەڵگەنامەیە.. حکومەتی فیدرالی تەواوی دەسەڵات و یاساکانی خۆی لەسەرگومرگ و خاڵە سنووریەکان ھەرێم جێبەجێ دەکات و دەیھێنێتە ژێر رکێفی خۆی..

ئەم کۆنووسە ( محضر الاجتماع)ە لەدوای سێ رۆژ کۆبوونە لە ھوتێلی (روتانای )ھەولێر.. لەنێوان وەفدی بەرێوەبەرایەتی گشتی گومرگی کوردستان و دەستەی گۆمرگری عیراق لە ڕۆژی ١١/٧ نووسراوە و ئیمزاکراوە..
لەو کۆبوونەوەیە ڕاسپاردەی بڕیارێک دراوە کە لەخاڵی (٧) ە.. کە دەڵێت دوای جێبەجێکردنی ئەم خاڵانە لەلایەن حکومەتی ھەرێم.. (خاڵە گومرگیەکانی ھەردوولای عیراق و ھەرێم لەنێوان ھەرێم و شارەکانی کەرکوک و موسڵ ھەڵبگیرێت و ئەو بڕیارە ھەڵبوەشێندرێتەوە.. )
بەواتایەکی تر لەو رێکەوتنە حکومەتی عیراق لە ١١/٧ بڕیاری لابردنی ئەو خاڵە گومرگیانەی داوە.. ئەو بریارەی پەرلەمانی عیراق کە لە ١١/٢١ سەبارەت بەھەڵوەشاندنەوەی ئەو بڕیارە ھیچ شتێکی زیاتری نەھێناوەتە ئاراوە..
بەڵکو ئەو بڕیارەی پەرلەمان نادەستوریە، پەرلەمان تەنیا یاسا دادەڕێژێ ، ھەروەھا چاودێری حکومەت دەکات .. پەرلەمان ناتوانێ بڕیار ( قرار) بدات..
بۆ زیاتر روونکردوە ئەوخاڵە گرنگانە دەخەیتەڕوو کە ناوەندی باڵا دەستکردوە، ھەروەھا چۆن کوت و زنجیری لەملی داھاتی حکومەتی ھەرێم کردوە..
ئەم داھاتەی.. ناوەند لەو پرۆسەیە بەدەستی دێنێ.. ڕاستەوخۆ لەبەشە بودجەی ھەرێم دەبڕێت..

 

خاڵەکان ئەمانەنن…..
• یەکخستنی رێوشوێنی ( ادخال گمرگي مؤقت) بۆ ھێنانە ژورەوەی ئۆتۆمبێل و مەکائن.
• ھەماھەنگی لەنێوان ھەردوو وەزەراتی کشتوکاڵی ھەرێم و عیراق لەبواری قەدەغەکردن و ھاوردەکردنی بەرھەمە کشتوکاڵیەکان.. کە لەمەودا ئەو روێوشێنانە دەبێتە مەرکەزی و وەزارەتی کشتوکاڵی ھەرێم ناتوانێ بەتەنیا بڕیار بدات.. بەڵکو ملکەچی برەیارەکانی وەزارەتی کشتوکاڵی عیراق دەبێت…
• ھەماھەنگی لەنێوان ھەردوو وەزارەتی بازرگانی ھەرێم و عیراق بکرێت.. ھەردوولا پابەند دەبن بە رێوشوێنی یاشای تەعریفەی گومرگی عیراق.. ھەروەھا یەکخستنی رێوشوێنی کردنەوەی پیشانگاکان..
• پابەندکردنی ھەرێم کەمانگانە ئاماری سەرجەم کەلوپەلی ھاوردەو دەرچووەکان لە سەرجەم دەروازەکان بنێرت بۆ بەغدا ھەروەھا ئاماری کوالیتی کۆنترۆڵی ھەرێمیش بۆ ئەو کەرەستانەی رێگەی پێدراوە یان رەتکراونەتەوە…
• پابەندکردنی ھەرێم بە جێبەجێکردنی بڕگەکانی یاسای بودجەی عیراق لەبواری گومرگ.
• دەبێت ھەرێم رەسمی گومورگی بەدیناری عیراقی وەربگرێ.. بەڵام بە نرخی دۆلار رەسمەکە دەستنیشان دەکرێ..
• لەسەرجەم عێراق پسولەو مانیفسێت و مۆرەکان لەناوەند دەردەچێ و ھەرێم لەمەودوا ناتوانێ ئەو شتانە چاپ بکات و دروستی بکات. ئەم شتانەش بەھەردوو زمانی عەرەبی و کوردی لەسەری دەنووسرێ.
• لیستی کەلوپەلی قەدەغەدەکراو لەناوەند دەردەچێ.. ھەرێم لەمەودوا ناتوانێنێت ھیچ کەلوپەلێک ڕێگە پێ بدا یان پێ نەدات.. بەڵام بەھەمانەگی دەکرێ..
• ھەر گۆرێنیکی باجی گومرگی لەسەر ھەر کەلوپەلێک بەھاوبەشی دەبێ. لێژنەی ھاوبەشی بۆ دادەنرێ.. ھەرێم ناتوانێ بەتەنیا باجی گومرگی سەر کاڵاکان بگۆرێ.
• ھەڵوەشاندەوەی سەرجەم لێخوشبوونە گومرگیەکان( اعفائات). کە لەدەرەوەی یاسای یەکگتروی گومرگی عیراقی بێت.. ھەرێم دەبت ھەڵیان بوەشێنێتەوە.
• پاپەندکردنی ھەرێم کە چیتر کار نەکات بە یاسای ٣٨ ی ساڵی ٢٠٠٤ ، کەبەیاسای بریمەر ناسراوە.. کەلەبواری گومرگی لەھەرێم کاری پێ دەکرا..
• دانانی لیژنەیەکی ھاوبەش لەنێوان ھەرێم و بەغدا .. کەئەندامی سەرجەم وەزارەتەکانی تیابێ ، بۆ بەگەرخستنەوەی یاسای ترانزێت.. کەلەساڵی ٢٠٠٩ راوەستێنرابوو..
• ڕێگەدان بەلیژنەکانی پشکنین و وەردبینی ناوەند لەھەموو بوارەکانی گومرگ ، کەلەھەرکاتێک و ھەر شوێنێک بیانەوێ..
ئەوەی ماوە بڵێم عیراق تەنیا سوودی لە دوو رێوشوێنی ھەرێم وەرگرتوە.. کەلەمەودوا لەعیراقیش پەیرەو بکرێ..
١- عیراق ھەمان رێوشوێنی ھەرێم بۆ مامەڵەکردن لەگەل زێرو کانزا گران بەھەکان دەگرێتەبەر..
٢- عیراق وەکو ھەرێم بڕی ٪‏٥ باجی گومرگی دەخاتە سەر جگەرەو مادە کحولیەکان.. ئەو داھاتەش بخرێتە سەر بودجەی وەزارەتی تەندروستی و ژینگە   .

 

 

 

 

 

 

 

 

لەدڵشاد مەجیدەوە وەرگیراوە

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە