Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
شه‌ممه‌ 5 كانونی دووه‌م 2019

لە کۆیە یەکێتیەکان سوکایەتیان بە ناوی مام جەلال کرد

بەروار : 05 كانونی دووه‌م 2019
If you thought this page is useful to your friend, use this form to send.
Friend Email
Enter your message

 

 گۆران هەڵەبجەیی

 

مەسەلەی گەندەڵی لە پرۆژە هەمەجۆرەکاندا لە هەریمی کوردستان لە حاڵەت دەرچووەو بووەتە دیاردە. لە ماوەی دەسەڵاتی  ئەم جووت حیزبەدا  ،ڕووینەداوە پرۆژەیەک بە ڕێکو پێکی و جوانی و بێکێشەو کەمووکوڕی لە کاتی خۆیدا کۆتایی هاتبیت.

هۆکارەکانیش ڕوون و ئاشکران و لای کەس شاراوە نین، کە دەستی حیزب هۆکاری سەرەکیە بۆ ئەو شکستی و گەندەڵیانە.

لە هەریمی کوردستان گچکە پرۆژەکانی لێدەرچێت ، کە زۆر جار ئەوانەش بۆ کەسە نزیک و خزمەکانی سەرانی باڵای هەردوو حیزبن، ئیدی هەرچی پرۆژەی گەورە و مام ناوەندیە بۆ پارتی و یەکێتیە. جا پێدەچێت سەرجەم ئەو پرۆژانە بۆ دوو حیزب نەبن، واتە ناچنە خەزێنەی حیزبەوە ،بەڵکو بۆ سەران و بەرپرسانی باڵای حیزبەکانن ، کە لەڕێگەی ئەو جۆرە پرۆژە  فاشلانەوە بوونەتە ملیۆنەر و ملیاردێر.

بەهۆی ئەوەی کە خۆیان بڕیاردەرو تەرخانکەری بەدجەو جێبەجێکارن، دەمێک کە بە دنیایەک کەمووکوڕی و دوور لە ستاندار پرۆژەیەک تەواو دەکەن ،ئیدی کەس نیە لێپرسینەوەیان لەگەڵدا بکات، بەڵکو تەنها چەند هاوڵاتیەک ناڕەزایی دەردەبڕن و هەندێک میدیاش بۆ ماوەیەک گرنگی پێ دەدەن کە جیگەی دەستخۆشیە،بەڵام هیچ لە دۆخەکە ناگۆڕێت و پرۆژەکە دیزەبەدەرخۆنە دەکرێت.

زەقترین نمونە شەقامێکە لە باژێڕی کۆیە کە کەناڵی [NRT] دوێنێ ئێوارە {3.1.2019} ڕیپۆرتاجێکی لە بارەوە ئامادەکردبوو.

ئەم ڕێگایە یا شەقامە تەنها بەر لە  [7] مانک کۆتایی هاتووە کە بێگومان لایەنی جێبەجێکار بازرگانەکانی یەکیتین. پاش ئەم چەند مانگە جادەکە  بووەتە بیژنگ.هێندە خراپە هێندە چاڵی تێدایە ،وەک پەیامنیرەکە ئاماژەی پێدا چاڵی وای تێدایە نیو مەتر قوڵە.

ئەمە چ پرۆژەیەکە بەرگەی چەند بارانێک نەگرێت ؟ ئاخر  ئەمە گەر کارەساتێکی ئەخلاقی نەبێت ، یا  سکەنداڵێکی قێزەوەن نەبێت چیە؟  کە  بەئاشکرا  گەندەڵی لە پرۆژەی باژێرەکەی مام جەلالیشدا دەکەن.

سەیر لەوەدایە  ئەم دوو حیزبە بەردەوام پاساویان بۆ کارە فاشلەکانیان ئامادەیە. ئەوەتا بەرپرسی ڕێگاو بان لە کۆیە دەڵێت هۆکارەکان هاتووچی بارهەڵگرکانە   ، ئەم پاساوە  زۆر پیکەنیناویە ،وەک ئەوەی قیرتاویان بۆ پاسکیل و عەرەبانەی منداڵ  کردبێت. یا دەڵێت کارگەی قیر لە دەڤەرەکەماندا نیە تا چاکی بکەین .

پاش چاوەڕێیەکی زۆر ، دەمێک هاوڵاتیان  بێئومێد بوون لە دەسەڵاتی گەندەڵی  ئیداری شارەکە کە بۆیان چاک بکات ،خۆیان هەندێک کیسە چەو ولمیان کردە چاڵاکانەوە ،کە ئەوەش چارەسەرنیە.

لەهەمووی سەیروسەمەرەتر و هەم گاڵتە تر ،ئەم ڕێگەیەیان ناو ناوە ڕێگەی[ مام جەلال] بۆ ئەم مەبەستەش تابلۆیەکی مەزنیان لە سەرتای ڕێگاکەدا چەقاندبوو.

دەمێک  جادەکەی مام  ئەم چارەنووسەی بەسەر هات و تەنها   چەند مانگێک خۆی گرت ،ئیتر دەبوو بەرپرسانی یەکێتی لە نێوان دوو کاردا یەکێکیان هەڵبژێرن  ،ئەوەیش یا جادەکە سەرلەنوێ قیرتاو بکەنەوە ، چونکە شورەییە  پرۆژەیەکی مام  بەوجۆرە بێت،یاخود تابلۆکەی مام جەلال لابدەن . بەهۆی ئەوەی قیرتاوکردنەوەی پارەی دەوێت و ناخوازن ئەوەی دزیویانە لەو پرۆژەیەدا بیگەڕێننەوە ،جا  ئاسانەکەیان هەڵبژارد، ئەویش لابردنی تابلۆکەیە ،چوون تابلۆکەی مام جەلالیان لەسەر لاقەکانی  لاداو  سەرنگوونیان کرد. و تەنها ئاسنە چەقیوکان وەک ئاسەواری پرۆژەیەکی شکستخواردوو مانەوە.

ئەمە  گەر هیچ نەبێت  سوکایەتیە بە مام جەلال کراوە، بەوەی تەنانەت لە شەقامەکەی ئەویشدا دزی و گەندەڵیان کردوە. دیارە گەر تابلۆکە بە تەنیشتی ئەو جادەیەوە بمایتەوە شەرمەزاری دەبوو بۆ مام کە پرۆژەیەکی فاشلی بەوجۆرە  بە ناویەوە جێبەجێکراوە.

 

 

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە