یه‌ك شه‌ممه‌ 6 كانونی دووه‌م 2019

ئەرکی حزبی شیوعی لەم قۆناغدا

بەروار : 06 كانونی دووه‌م 2019
If you thought this page is useful to your friend, use this form to send.
Friend Email
Enter your message

 

جەلال هۆرێنی

 

ئێستای هەرێمی کوردستان بەقۆناغی بەرێکردن دەچێتە رێوە، کە لەسیاسەتی بەریوەبردن بە مەترسیدارترین قۆناغ دادەنرێت،لەرووی ئابوری و دروستبوونی گەندەڵی نوێ ،بەشیوازێک بەهەدەردان بە سامان و موڵکی گشتی لەدامودەزگاکان پەرەدەسێنیت.جگە لەمە لەم قۆناغدا کەدوای هەڵبژاردن بە سێ مانگ تێپەریوە ،دەتوانرێت یاری بو نوسراوە فەرمیەکان بکرێت ،کەرتی تایبەت و کۆمپانیاکانی بەرپرسان سود لە کەرتی گشتی وەربگرن بەناوی پرۆژەی نشتیمانی .

 

هەڵبژاردنی پەرلەمانی کوردستان سی مانگی تێپەراند ،تائێستا حزبە براوەکان نیو پەرلەمان رێک نەکەوتوون لەسەر میکانیزمی پێکهێنانی حکومەت، لەلایەکی تریشەوە نەبوونی کارەبا و خزمەتگوزاری پیویست بە هاووڵاتیان و دواکەوتنی موچە و گرانی بازار، تەواوی کۆمەڵگای توشی بێ ئومیدی کردوە.

 

ئەرکی حزبی شیوعی

حزبی شیوعی کوردستان ،کەکۆمیتەی ناوەندی بریاری بە ئۆپۆزەسیۆن بوونی داوە ،بەشدار نابێت لە حکومەت و دەنگ بە کابینە نوێ   نادات ،ئەرکی مێژووی و سیاسی و رەوشتی لەسەرە بۆ ئەوەی بتوانێت فشار دروست بکات ،بۆ دووبارەکردنەوەی هەڵبژاردنەکان و کادیران و جەماوەر هانبدات بێنە سەر شەقام بۆ تێپەراندنی ئەو دۆخەی دروست بووە.

 

حزبی شیوعی ئەگەر چی خاوەن هەشت هەزار دەنگە، بەڵام خاوەنی سەدان کادیری چالاکی سەرشەقامە دەتوانن ئەو ئەرکە بگرنە ئەستۆ،لەهەموو شارەکان،کاتێ ئەوە هاتووە بوونی ئۆپۆزەسیۆنی حزبی شیوعی بەکرداری لەهەولیر بسەلمینین بە جیاواز لەحزبە ئۆپۆزەسیۆنەکانی تر ،کە نەیاندەویرا لەهەولیر خۆپیشاندان ئەنجام بدەن، بەڵام کادیرە چالاکەکانی شیوعی بەبەردەوامی لەسەر شەقام بوون.

 

خەڵک چاوەرێ هەڵوێست و کردارە ، بۆ ئەوەی متمانە بگرێنینەوە و دەنگدەر ئاشت بکەینەوە ،پێویستە دەست بە چالاکی ئۆپۆزەسیۆن بوون بکەین ،ئەوەیش بەدانانی کات بۆ حزبەکانی پەرلەمان ،کەلەماوەیەکدا حکومەت پێکبهێنن ، ئەگەر نا هەڵبژاردن دووبارە بکرێتەوە.

من باش لەو راستیە تیدەگەم کە ئەمریکا و هاوپەیمانەکانی نایانەوێت شیوعی ببنە خاوەن هێزو کاریگەریان لەسەر کۆمەڵگا هەبێت، بەڵام دەبێت حزبی شیوعی یاری بەکات و مامەڵە سیاسیە دیبلۆماسیەکان بکات، بۆئەوەی لەمەیدانەکەدا بەهێزی کاریگەر دابنرێت، هەموومان ئەو راستیە باش دەزانین لەساڵی ١٩٩٢ ئەمریکا لەیەکەم هەڵبژاردنی پەرلەمانی کوردستان لەرێگای جەلال تاڵەبانی پەیامی بۆ سەرکردایەتی حزب نارد کەناچنە پەرلەمان، واتە بەئاشکرا پیان ووتین هەڵبژاردن یاریەکەی سیاسی ئێمەیە بۆ دانانی دەسەڵاتێکی گوێرایەڵ، نەک خاوەن فکر و ئایدیا.

 

ئەگەر لەساڵی ١٩٥٨ شەقامی عێراقی بەدەست لایەنگرانی حزبی شیوعی بووبێت ،ئەوا ئاسانە ،ئێستا کات بگەرێنیەوە بابەتی کارەباو مووچە و گرانی و نەبوونی خزمەتگوزاری و گەندەڵی بکەیەنە بەرنامەی خۆمان و جارێکی تر شەقام ئاشتبکەینەوە.

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە