Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
شه‌ممه‌ 26 كانونی دووه‌م 2019

حزبی شیوعی پشتگیری خەڵکی شێڵادزێ دەکات

بەروار : 26 كانونی دووه‌م 2019
If you thought this page is useful to your friend, use this form to send.
Friend Email
Enter your message

 

سەبارەت بە ڕووبەڕووبونەوە و نەبەردى خەڵکی شێلادزێ دژ بە هێرشەکانی سوپای تورکیا
ماوەی چەندین ساڵە دەوڵەتی تورکیا لە رێگای فرۆکە جەنگییەکانی و تۆپخانە دوورهاوێژەکانییەوە خاکی کوردستانی باشور بۆردەمان دەکەن، و لە ئاکامی ئەم دەستدرێژیانە چەندین هاوڵاتی سڤیل بونەتە قوربانی. هەرچەندە هەندێ جار پەرلەمان و حکومەتی هەرێمی کوردستان بە شەرمەوە ئیدانەی ئەم شاڵاوانەیان کردوە، و حکومەتی عێراق خۆی لێ بَدەنگ کردوە، و کۆمەڵگای نێودەوڵەتی و ولاتە زلهێزەکانش بێ دەنگیان هەڵبژارد، و هەندێ لایەنی سیاسی کوردستانی هەڵوێستی ناڕەزایی سەبارەت بەم دەستدرێژییانە دەڕبڕیەوە، بەڵام تێکرای هەڵوێستەکانی ناڕەزایی سنووری بۆ ئەو دەستدرێژییانە دانەناوە. ئەم ڕەوەشە کە هاوکاتە لەگەڵ دەستدرێژییەکانی سوپای تورکیا و بەردەوامبوونی قوربانی خەڵکی سڤیل وای کرد کە دوای شەهید بوونی ژمارەیەک لە ڕۆڵەکانی دەڤەری شێلادزێ لە ئاکامی بۆردومانی فرۆکەکای تورکیا، جەماوەری تێکۆشەری ئەم دەڤەرە لە نەبەردییەکی تێکۆشەرانەدا پەلاماری بارەگای سوپای تورکیا کە لەم دەڤەرە بنیاتی ناوە، بدەن و دەست بەسەر چەندین تانک و ئۆتۆمبیلی سەربازی سوپای تورکیا بگرن و سەربازە دیلەکانیش تەسلیمی هێزی ئاسایشی حکومەتی هەرێمی کوردستان بکەن، هەرچەندە لە ئاکامی تەقەکردنی سەربازە تورکەکان بەپێی هەواڵەکان شەهیدێک و چەندین بریندار لە خەڵکی سڤیل هەیە.
ئەم ڕابوونەیەی خەڵکی شێلادزی و دێرەلوک و سیرێى سەر بە قەزاى ئامیدى ڕاستییەکی ڕوون دەخاتە بەردەم هەر هێزێکی داگیرکەر کە بیەوێت دەستبەسەر خاکی کوردستان بگرێت و وانەیەکی ئاشکرایە بەوەی گەر حکومەتی هەرێم و بەغدا و هەندێ لایەنی سیاسی بە هەر هۆیەک بێت سەبارەت بەم دەستدرێژییانە بێ دەنگ بن، بەڵام جەماوەری تێکۆشەری کوردستان بێ دەنگ نابێت و هەڕشە و خۆ نواندنەکانی فرۆکەی ئێف 16ی تورکیا خەڵک ناترسێنێ، و کوردستان مەڵبەندی بەرەنگاربونەوە و تێکۆشانە و ئەو زەلکاوە نییە کە حوکمرانە دیکتاتۆرەکان لە هەڕشەکانیاندا باسی دەکەن.
حزبی شیوعی کوردستان لە کاتێکدا سەرخۆشی خۆی لە خانەوادەی شەهیدان دەکات و هیوای چاکبوونەوە بۆ بریندارەکان دەخوازێت، داوا دەکات هێز و هەژمون و دەستتێوەردانی تورکیا و سەرجەم هێزە هەرێمایەتی و نێودەوڵەتییەکان کۆتایی پێ بێت، و هیچ هێزێکی داگیرکەر و ناخوازیار و میلشیا لە سەرجەم کوردستانی باشور نەمێنێ، و سەروەری خاکی کوردستانی باشور بپارێزرێت.
مه كته بى سياسى
حزبى شیوعی کوردستان
26/ 1/ 2017

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە