Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
هه‌ینی 1 شوبات 2019

زەنگیانەی ئاویی

بەروار : 01 شوبات 2019
If you thought this page is useful to your friend, use this form to send.
Friend Email
Enter your message

 

 

زەنگیانەی ئاویی

بەشی نۆیەم

 

( خەم )

من ناتوانم، بێ خەم

سەربخەمە سەر سەرین

ئەی هاورێیان ..

کێ

خەمی سەرباری هەیە

بینێرێ بۆم

تاوەکو بیکەم بەسەرین.

( ئەوپەڕی پەستیی )

ئەمشەو پەستم

هێندەی پەستی مەینۆشێك

کە بەدەستی ئەنقەست

پێکەکەکەیان رژاندبێ،

هێندەی موریدێك شێخەکەیان

کردبێتە گاڵتەجاڕ

نازانم

پێکی پەستییەکەم

بەسەر کێدا بڕژم ، کێ ..؟

( خۆپەرست )

دوا بزمارت دا

لەتابووتی هاوڕییەتیمان،

بەنرخی کا، گەر بتکڕم

هێشتا زەرەرمە، خۆپەرست.

( بێ گوڵ خۆم )

لەپیادەڕۆی کۆبنهاون

شٶخێك، بەباوەشێك گوڵەوە

خۆی لە گوڵەکان جوانتر

هاوار دەکا:

گوڵەباخ.. گوڵەباخ

وتم:

بۆکێی بکڕم..؟

مەگەر هەر بیدەمەوە بەخۆت

وتی:

گەر هەموشیم لێبکڕی

چڵێکت لێوەرناگرم، ئەمن.

( خەزان )

لەناو فەرشی زیوینی گەڵای وەریودا

دان بدە بە کۆتر

بەبێ گمە، بە ئەسپایی دەیانچنێ ..

تەنانەت کۆتریش حەز بە خەزان ناکا

ئەمن؟! بۆ دەبێت ئیتر

( ماسی )

راوچی

تۆڕەکەت هەڵدە نێو دەریا

کێ دەڵێت

ئەو ماسییەی راوی دەکەیت

بەنرختر نییە لە بەهای خۆت؟؟

( دەریاوان )

تانەم لیدەدەن، کە بۆ هێندە

خەمی دەریا دەخۆم !!

دەبێ بێژیی بم

خەمی دایکم،

لەخۆم زیاتر نەخۆم.

ڕاستییەك) )

من دەڵێم :-

تۆم خۆشناوێ

تۆ دەڵێی :-

منیش،

وەلێ لەڕاستیدا..

چاوانمان، گەواهیی دەدەن

کە، هەردوکمان درۆدەکەین.

 

 

فەتاح حەسەن

دانیمارك / ڤالبی

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە