Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
پێنج شه‌ممه‌ 21 شوبات 2019

یەکێتی دۆڕاوێکی بێ کورسی

بەروار : 21 شوبات 2019
If you thought this page is useful to your friend, use this form to send.
Friend Email
Enter your message

 

جەلال هۆرێنی

 

 

یەکێتی نشتیمانی کوردستان ، لەهەرێمی کوردستان لە پەراوێزدایە و خۆری دەسەڵاتی بەرەو ئاوابوون دەچێت، لەعێراقیش براوەیەکەی بێ دەسەڵاتە.
لەم قۆناغەی ئێستادا ،ململانیەکان بەجۆرێک ئاڵۆزبووە ،هێزی سەربازی و پارەی کۆمپانیاکان فریای ناکەون ، کاتێک بەئاگادێتەوە لەمەیدانەکە دابراوە و پەراوێز خراوە.

 

لەعێراقدا براوەیەکی بێدەسەڵاتە

 

 

لەدوای ململانێەی بەهێز و هەڵدانەوەی لاپەرە کۆنەکان ،رشتنی ناکۆکی لە چینەکانی خوارەوە ،یەکێتی لەدەرئەنجام توانی کورسی سەرۆک کۆمار بباتەوە،ئەم بردنەوەیە بەهۆی کاریگەری یەکێتی لەمەیدانەکەدا نەبوو ،ئەوەندەی پەیوەندی بەسیاسەتی ئەمریکا لەناوچەکەدا هەبوو، بەرهەم ساڵح بەهۆی بەڵێنی ئەمریکیەکان و فشارەکانی ئەو وولاتە گەرایەوە بۆ نیو یەکێتی و بووە سەرۆک کۆمار، ئەگەر بەرهەم نەبویە یەکێتی جارێکی تر پۆستی سەرۆکا کۆماری دەست نەدەکەوت.
هەرچەند یەکیتی بەناو براوەیە و سەرۆک کۆمار لەوانە ، بەڵام بێ دەسەڵاتەو ناتوانێت یەکیتی لەم دۆخە دەربکات ،هەر ئەو سەرۆک کۆمارە تا ئێستا نەیتوانیوە وەزیرێک بۆ حزبەکەی بەدەست بهێنیت.
یەکێتی کە خاوەن سەرۆک کۆمارو دەسەڵاتی سەربازیە ، لەکەرکوکیش خۆی بەخاوەن هیزی جەماوەری دەزانێت، نەیتوانیوە کەرکوک لەدۆخی سەربازی رزگاربکات و پارێزگارێک دابنیت بۆی.

 

لەهەرێم دۆڕاوێکی بێ کورسیە

 

 

لەوای هەڵبژاردنەکان یەکێتی دەیزانی پارتی فشار دەکات بۆ پێکهێنانی حکومەت ، کۆمەڵێک مەرجی داناو بۆ پارتی ،لەخەیاڵی یەکێتی پارتی بەبێ ئەوان ناتوانێت حکومەت پێکبهێنیت و سەرۆکایەتی پەرلەمان کارابکاتەوە، رێکەوتنی پارتی و گۆران کاریگەریەکی بەهێزبوو بۆ داروخانی یەکێتی لەدەسەلات و ترس خستنە دڵی سەرکردەکانیان لە بەرژەوەندی تایبەتیەکانیان کە خاوەن کۆمپانیان .
پارتی جگەلەوەی سەرۆک وەزیران هی ئەو دەبێت وەک براوەی یەکەم ،پێش یەکێتی کەوت و ئافرەتێکی کردە سەرۆکی پەرلەمان بەدەنگدان ،کەئیتر ئەو پۆستە بۆ یەکێتیش ببێت لەداهاتوو هیچ گرنگیەکی نیە ،بەهای خۆی لەدەستدەدات.
هەرچەند بەشێک لەسەرکردەکانی یەکێتی داوای پۆستی سەرۆکی هەرێم دەکەن ،لەجیاتی سەرۆکی پەرلەمان ،بەڵام بەدەنگدانیش بێت یەکێتی هەردەدۆرێت ،چونکە بەپێ رێکەوتنی پارتی و گۆران کە هەردووکیان خاوەن ٥٧ کوورسین لەگەڵ پێکهاتەکان دەبنە ٦٨ کورسی ،ئەگەر کۆمەڵیش بەشداری حکومەت بکات ئەوا دوو لەسەر سێ کورسیەکانی پەرلەمان پێکدەهێنن دەتوانن بەدەنگدان پۆستی سەرۆکی هەرێمێش یەکلابکەنەوە.
لەدەرئەنجامدا یەکێتی دۆڕاويکی بێ کورسی دەبێت.

 

ناتوانێت دوو ئیدارەی دروست بکاتەوە

 

 

بەشێک لەسەرکردەکانی یەکێتی باس لەدوو ئیدارەیی دەکەن ،بەڵام بیریان چووە، سەردەمەکە گۆراوە و ناتوانن وەک ساڵانی نەوەدەکان ئەو کارەبکەنەوە، چونکە ئێران ئێستا لەپارتی نزیک بوەتەوە و جارێکی تر پشتیوانی یەکیتی نابێت بۆ دوو ئیدارەیی وەکو پێشوو، هەرەوەها ئەمریکیەکان بەهیچ شیوەیەک رێگا نادەن بۆ دوو ئیدارەیی ،بگرە ئەوان خوازیاری جوڵانەوەی نوێن لە هەرێمی کوردستان.
حکومەتی عیراقیش کە عادل عەبدوڵمەهدی سەرۆک وەزیرانە ،پاڵپشت نابێت و ئامادەنیە ئەو کارەبکات،تەنانەت بۆ دانانی وەزیری دادیش داوای یەک هەڵوێستی لیستە کوردیەکانی کردوە، لەناوخۆش ، بزووتنەوەی گۆران ئەو راستیە دەزانی دووئیدارەی دروست نابێتەوە بۆیە رێکەوتنی لەگەڵ پارتی ئەنجامداوە،بۆیەپارێزگاری سلیمانی ناچیتە ژێرباری ئەو داوایە.
هەروەها ئێستا لە سنوری سلیمانی دوو هیزی گەورەی وەک بزووتنەوەی گۆران و نەوەی نوێ بوونیان هەیە، بەهەردووکیانەوە بەقەت یەکێتی خاوەن کورسین و خاوەن زۆرتین دەنگی سنوری ئیدارەی سەوزی جارانن.

 

یەکێتی دەبێتە ئۆپۆزەسیۆن

 

 

لەدوای هەمو ئەوانەی باسکران یەکیتی دەبێتە ئۆپۆزەسیۆن ، بێگومان ئەمە حەزی بەشێک لەکادیرانی ئەو حزبەیە ، بەڵام سەرکردە بەرژەوەندیخوازەکانی یەکێتی ئەمە ناکەن ، نەک لەبەر یەکێتی بەڵکو لەبەر کۆمپانیاکانی خۆیان، چونکە بەبوونی یەکیتی بە ئۆپۆزەسیۆن هێزی بەسەر هێزی پێشمەرگە و بەتایبەت هێزەکانی ٧٠ نەمێنیت و پەرشو بڵاو دەبنەوە، هەروەها کۆمپانیاکانی ئەو حزبە دەکەونە مەترسی و توشی هەرەسی دارایی دەبن ،بەشێکی زۆری کادیرە بەرژەوەندیخوازەکانیان لەدەست دەدەن و ناتوانن بەرگە بگرن. ئاژەوە دروست دەکەن بەڵام ناتوانن شەری ناوخۆ دروست بکەنەوە نەک لەبەرئەوەی حەز ناکەن ، بەڵکو لەبەرئەوەی رێگایان پێنادەن.

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە