Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
پێنج شه‌ممه‌ 9 ئایار 2019

ناوبژیوانانی به‌شی کێبڕکێی نه‌ته‌وه‌یی فێستیڤاڵی نێونه‌ته‌وه‌یی فیلمی “وارش” ناسێندران

بەروار : 09 ئایار 2019
If you thought this page is useful to your friend, use this form to send.
Friend Email
Enter your message

 

مه‌نووچێهر جیهانی ـ “ئه‌میر تووده‌ رووستا”، “نیما جاویدی”، “ته‌ناز ته‌باته‌بایی”، “مێهدی مونیری” و “جیهانگیر نه‌سری ئه‌شره‌فی” ناوبژیوانی کردنی به‌رهه‌مه‌کانی به‌شی کێبڕکێی نه‌ته‌وه‌یی نۆهه‌مین خولی فێستیڤاڵی نێونه‌ته‌وه‌یی فیلمی “وارش” له‌ ئه‌ستۆیان دایه‌.

 

به‌ پێی راپۆڕتی لێژنه‌ی په‌یوه‌ندییه‌کان و راگه‌یاندنی نۆهه‌مین فێستیڤاڵی نێونه‌ته‌وه‌یی فیلمی “وارش”، پێنج سینه‌ماکاری ئێرانی به‌ رێژه‌ی 53 فیلمی به‌شی کێبڕکێی نه‌ته‌وه‌یی نۆهه‌مین خولی فێستیڤاڵی نێونه‌ته‌وه‌یی فیلمی “وارش” ناوبژیوانی ده‌که‌ن. “ئه‌میر تووده‌ رووستا”، “نیما جاویدی”، “ته‌ناز ته‌باته‌بایی”، “مێهدی مونیری” و “جیهانگیر نه‌سری ئه‌شره‌فی” ئه‌ندامانی ده‌سته‌ی ناوبژیوانی ئه‌م رووداوه‌ سینه‌ماییه‌ پێک دێنن.

 

ئه‌میر تووده‌ رووستا

“ئه‌میر تووده‌ رووستا” له‌دایکبووی ساڵی 1982 رێکه‌وتی 1361ی هه‌تاوی له‌ که‌ره‌ج و ده‌رچووی به‌شی ئه‌ده‌بیاتی شانۆگه‌ری له‌ زانستگای سووره‌ی تارانه‌. له‌ به‌رهه‌مه‌کانی ئه‌و ده‌توانرێ به‌ کورته‌ فیلمه‌کانی “سه‌ڵام به‌ڕێز ئه‌یوه‌ل” ، “تلألؤ” واته‌ (پرشنگدار) ، “رادیۆلۆژی یه‌ک پۆرتره‌” و “جێگای من له‌ نێو ژوور رابخه‌” و هتد و فیلمی سینه‌مایی “پات” ئاماژه‌ بدرێت.

فیلمه‌کانی ئه‌و تا ئێستا له‌ فێستیڤاڵه‌کانی تۆکیۆ (ژاپۆن)، وه‌رشۆ (پۆڵه‌ندا)، سائۆپائۆلۆ (به‌ڕازیل)، تفلیس (گورجستان)، واشنگتۆن دی سی (ویلایه‌ته‌ یه‌گرتووه‌کانی ئه‌مریکا) و تره‌نسیلوانیا (رۆمانی) نمایش کراوه‌.

به‌ده‌ستهێنانی خه‌ڵاتی تایبه‌تی لێژنه‌ی ناوبژیوانی فێستیڤاڵی سیلویتی فه‌ره‌نسا 2016، رێزگرتنی تایبه‌تی ده‌سته‌ی ناوبژیوانی فێستیڤاڵی تره‌نسیلوانیای رۆمانی 2014 و هه‌ڵبژارده‌ی فێستیڤاڵی شۆرت شۆرتزی تۆکیۆی ژاپۆن 2016 بۆ فیلمی “جێگای من له‌ نێو ژوور رابخه‌”، ته‌ندیسی باشترین فیلمی فێستیڤاڵی 60 چرکه‌یی کۆپێنهاگی دانیمارک 2014 بۆ فیلمی “ئاشتی و جه‌نگ”، ته‌ندیسی باشترین کورته‌ فیلمی چیرۆکیی فێستیڤاڵی کورته‌ فیلمی تاران 1384 و ته‌ندیسی باشترین کورته‌ فیلمی ده‌یه‌مین جه‌ژنی ماڵی سینه‌ما و فیلمی هه‌ڵبژارده‌ی سێهه‌م له‌ فێستیڤاڵی نه‌ته‌وه‌کانی نه‌مسا 2007 بۆ فیلمی “تلألؤ” واته‌ (پرشنگدار) له‌ زومره‌ی سه‌رکه‌وتنه‌کانی ئه‌و دێته‌ ئه‌ژماردن.

هه‌روه‌ها ئه‌ندامێتی له‌ ده‌سته‌ی هه‌ڵبژاردن و ده‌سته‌ی ناوبژیوانی چواره‌مین فێستیڤاڵی فیلمی نه‌ته‌وه‌یی خوێندکاری، فێستیڤاڵی کورته‌ فیلمی تاران، فێستیڤاڵی فیلمی ره‌زه‌وی، جه‌ژنی ماڵی سینه‌ما، فێستیڤاڵی فیلمه‌کانی پیشه‌سازی و ته‌کنه‌لۆژیا، فێستیڤاڵی نێونه‌ته‌وه‌یی فیلمی شار، فێستیڤاڵی نێونه‌ته‌وه‌یی فیلمی رشد واته‌ گه‌شه‌ و ده‌بیری و به‌رپرسیارێتی هه‌شته‌مین جه‌ژنی سه‌ربه‌خۆی کورته‌ فیلمی ماڵی سینه‌ما له‌ زومره‌ی به‌رپرسایه‌تییه‌کانی ئه‌و بووه‌.

 

نیما جاویدی

نیما جاویدی له‌دایکبووی ساڵی 1979 رێکه‌وتی 1358ی هه‌تاوی له‌ بیجنۆرد و خاوه‌نی بڕوانامه‌ی ئه‌ندازیاریی میکانیکه‌. ئه‌و ئه‌ندامی فه‌رمی ئه‌کادیمیای فیلمی ئاسیا پاسیفیک، ئه‌ندامی بنکه‌ی ده‌رهێنه‌رانی ماڵی سینه‌مای ئێران، بنکه‌ی سیناریۆنووسانی ماڵی سینه‌مای ئێران و ئه‌نجومه‌نی کورته‌ فیلمی ماڵی سینه‌مای ئێرانه‌. هه‌روه‌ها ئه‌ندامێتی له‌ ده‌سته‌ی ناوبژیوانی به‌شی سه‌ره‌کیی په‌نجاوچواره‌مین فێستیڤاڵی فیلمی خیخۆن له‌ ئیسپانیا، به‌شی سه‌ره‌کیی نۆزده‌هه‌مین فێستیڤاڵی فیلمی تفلیس له‌ گورجستان له‌ کارنامه‌یدا هه‌یه‌. نووسین و ده‌رهێنانی فیلمی سینه‌مایی “سوورپێست” دوایین چالاکیی کاریی ئه‌وه‌.

جاویدی تا ئێستا توانیویه‌تی خه‌ڵاتی هره‌می زێڕینی باشترین فیلم له‌ فێستیڤاڵی قاهیره‌، خه‌ڵاتی باشترین سیناریۆ له‌ ئه‌کادیمیای خه‌ڵاته‌کانی سینه‌مایی ئاسیاپاسیفیک، خه‌ڵاتی باشترین سیناریۆ له‌ فێستیڤاڵی فیلمی ستۆکهۆڵم، خه‌ڵاتی باشترین فیلم له‌ روانگه‌ی بینه‌ران له‌ فێستیڤاڵی ئارس له‌ پۆڵه‌ندا، خه‌ڵاتی باشترین ده‌رهێنان و باشترین سیناریۆ له‌ فێستیڤاڵی فیلمی خیخۆن له‌ ئیسپانیا، خه‌ڵاتی باشترین فیلم له‌ روانگه‌ی ئه‌نیستیتۆی نه‌ته‌وه‌یی زمان و خوێندنه‌وه‌کانی رۆژهه‌ڵاتی فه‌ره‌نسا، سیمورغی بلوورینی خه‌ڵاتی تایبه‌تی ده‌سته‌ی ناوبژیوانان له‌ فێستیڤاڵی فیلمی فه‌جر، خه‌ڵاتی باشترین فیلم له‌ فێستیڤاڵی فیلمی وارش و خه‌ڵاتی باشترین کورته‌ فیلمی ئاسیا له‌ فێستیڤاڵی نێونه‌ته‌وه‌یی کورته‌ فیلمی تاران و هتد به‌ده‌ست بێنێت‌.

 

ته‌ناز ته‌باته‌بایی

ته‌ناز ته‌باته‌بایی له‌دایکبووی ساڵی 1983 رێکه‌وتی 1362ی هه‌تاوی له‌ تاران و ده‌رچووی ده‌رهێنانی شانۆیه‌. له‌ زومره‌ی به‌رهه‌م گه‌لی سینه‌مایی ئه‌م ئه‌کته‌ره‌ ده‌توانرێ به‌ “سوورا و سپیاوی خه‌ست” ، “رۆخی دێوانه‌” ، “هه‌را و تووڕه‌یی” ، “ویلاییه‌کان” ، “نیشته‌جێی نهۆمی ناوه‌ندی” و “مه‌رگی ماسی” ئاماژه‌ بدرێت.

ئه‌و تا ئێستا توانیویه‌تی چه‌ندین خه‌ڵاتی وه‌کوو باشترین ئه‌کته‌ری ده‌وری یه‌که‌می ژن له‌ ئه‌نجومه‌نی ره‌خنه‌گران و نووسه‌رانی سینه‌مای ئێران، باشترین ئه‌کته‌ری ژنی کۆمیدیای ته‌له‌ڤیزیۆنی، دیپلۆمای شانازیی جه‌ژنی ئه‌نجومه‌نی ره‌خنه‌گران و نووسه‌رانی سینه‌مای ئێران، له‌وحه‌ی رێزلێنانی باشترین ئه‌کته‌ری ده‌وری یه‌که‌می ژن له‌ فێستیڤاڵی ژنانی سه‌ربه‌خۆی ئه‌مریکا، له‌وحه‌ی رێزلێنانی باشترین ئه‌کته‌ری ده‌وری یه‌که‌می ژن له‌ فێستیڤاڵی فیلمه‌کانی ئێرانی سانفڕانسیسکۆ و ته‌ندیسی باشترین ئه‌کته‌ری ده‌وری ته‌واوکه‌ری ژن له‌ جه‌ژنی ئه‌نجومه‌نی ره‌خنه‌گران و نووسه‌رانی سینه‌مای ئێران به‌ده‌ست بێنێت‌. ته‌باته‌بایی تا ئێستا سێ جار بۆته‌ ناوزه‌دی وه‌رگرتنی خه‌ڵات له‌ فێستیڤاڵی فیلمی فه‌جر.

 

مێهدی مونیری

مێهدی مونیری له‌دایکبووی ساڵی 1974 رێکه‌وتی 1353ی هه‌تاوی له‌ بابول و ده‌رچووی به‌شی ده‌رهێنان له‌ کۆلێژی ده‌نه و ره‌نگی ئێرانه‌. ئه‌و بۆ ماوه‌ی 7 ساڵ له‌ رایه‌ڵه‌ی که‌ناڵی سێی ته‌له‌فیزیۆنی ئێران وه‌کوو ده‌رهێنه‌ر چالاکی هه‌بووه‌ و له‌ دوای ئه‌وه‌ تا ئێستا له‌ رایه‌ڵه‌ی که‌ناڵی به‌ڵگه‌فیلمی ته‌له‌فیزیۆنی ئێران خه‌ریکی کار و چالاکییه‌.

فیلمی دیکۆمێنته‌ری و به‌ڵگه‌فیلمه‌کانی “ئه‌میری خونێش” ، “پووره‌ ئامینه‌” ، “کرب” ، “سووگ و سه‌ماع” و “تینار” له‌ زومره‌ی به‌رهه‌مه‌کانی ئه‌وه‌. مونیری هه‌روه‌ها خه‌ریکی ئاماده‌کردنی دوو به‌ڵگه‌فیلمی “سیوا” و “ویشار”ـه.

سیمورغی بلوورینی باشترین ده‌رهێنانی به‌ڵگه‌فیلم له‌ فێستیڤاڵی فیلمی فه‌جر، خه‌ڵاتی باشترین ده‌رهێنانی به‌ڵگه‌فیلم له‌ جه‌ژنی ماڵی سینه‌ما، خه‌ڵاتی باشترین به‌ڵگه‌فیلمی درێژ له‌ جه‌ژنی ماڵی سینه‌ما، خه‌ڵاتی باشترین ده‌رهێنانی به‌ڵگه‌فیلمی درێژ له‌ فێستیڤاڵی نێونه‌توه‌یی سینه‌ما حه‌قیقه‌ت، خه‌ڵاتی باشترین فیلمی یونێسکۆ له‌ رێوڕه‌سمی خه‌ڵاتی ئاسیا پاسیفیک له‌ ئوستڕاڵیا، ته‌ندیسی رێزلێنانی تایبه‌تی ده‌سته‌ی ناوبژیوانانی فێستیڤاڵی جیهانیی فیلمی کارلۆوی واری له‌ کۆماری چیک، باشترین فیلمی فێستیڤاڵی فیلمه‌کانی ئێرانی له‌ تۆرنتۆی که‌نه‌دا، خه‌ڵاتی زێوینی رێمی له‌ فێستیڤاڵی فیلمی وۆرد فێست هیۆستۆن له‌ ئه‌مریکا، پله‌ی یه‌که‌می فێستیڤاڵی فیلمی وارش، دیپلۆمای شانازیی و خه‌ڵاتی به‌هره‌کانی لاوان له‌ فێستیڤاڵی به‌ڵگه‌فیلمی کیش و هتد به‌شێک له‌ خه‌ڵاته‌کان و شانازییه‌کانی ئه‌م سینه‌ماکاره‌یه‌‌.

 

جیهانگیر نه‌سری ئه‌شره‌فی

جیهانگیر نه‌سری ئه‌شره‌فی له‌دایکبووی ساڵی 1957 رێکه‌وتی 1336ی هه‌تاوی له‌ بێهشه‌هر له‌ پارێزگای مازه‌نده‌ران‌. ئه‌و نووسه‌ری بواری خه‌ڵکناسی، گه‌لناس، گه‌لناسی بواری مۆسیقا، دامه‌زرێنه‌ر، دیزاینه‌ر و سه‌رپه‌رشتیاری زانستنامه‌ی ته‌به‌رستان و مازه‌نده‌رانه‌. ئه‌شره‌فی به‌ نزیکه‌ی چوار ده‌یه‌ تێکۆشان و چالاکییه‌کانی پیشه‌یی، زیاتر له‌ 50 کتێب و به‌رهه‌می توێژینه‌وه‌یی، فه‌رهه‌نگی و هونه‌ری سه‌باره‌ت به‌ فه‌رهه‌نگی گه‌لانی ئێرانی و فه‌رهه‌نگی نه‌ته‌وه‌یی هه‌یه‌. ئه‌م به‌رهه‌مانه‌ له‌ چوارچێوه‌ی نووسراو، بیستراو و بینراودا چاپ و بڵاوکراونه‌ته‌وه‌. له‌ زومره‌ی ئه‌م به‌رهه‌مانه‌ ده‌توانرێ فه‌رهه‌نگی وشه‌کانی ته‌به‌ری و وازیگاه ناو ببرێت.

له‌ هه‌ره‌ دیار و به‌رچاوترین توێژینه‌وه‌ و لێکۆڵینه‌وه‌کانی فه‌رهه‌نگی، گه‌لناسی و گه‌لناسی بواری مۆسیقای ئه‌م توێژه‌ره‌ ده‌توانرێ به‌ گه‌وه‌سانی پارسی، لێکدانه‌وه‌ی خونیاگه‌ری و ئاوازچڕین و چیرۆک گێڕانه‌وه‌ له‌ ناوچه‌کانی ئێران، خونیاگه‌ری و ئاوازچڕینی نه‌ورۆزی، کۆچ، شانۆگه‌ری و مۆسیقا له‌ ئێراندا، وشه‌نامه‌ی گه‌وره‌ی ته‌به‌ری، مێژووی ئه‌ده‌بیات و هونه‌ری ئێران ئاماژه‌ بدرێت.

ئه‌شره‌فی تا ئێستا به‌ڕێوه‌به‌ری چه‌ندین فێستیڤاڵی فه‌رهه‌نگی، هونه‌ری و مۆسیقایی نه‌ته‌وه‌یی و نێونه‌ته‌وه‌یی له‌ ئێران له‌ ئه‌ستۆی دابووه‌.

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە