Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
هه‌ینی 19 ته‌مموز 2019

(شیعرە شانۆییەكانم)

بەروار : 19 ته‌مموز 2019
If you thought this page is useful to your friend, use this form to send.
Friend Email
Enter your message

 

1/
شەوی تاریكی،
ھەمیشە زەلیل بووە لەبەردەمما،
كەچی بۆ سبەی،
كە ھەڵدەستم دەزانم،
ھێشتا مەملەكەتی تاریكی،
لە ڕوناكی بەھێزترە…!!

٢/
زۆر ئاساییە،
بەدەستی خۆمان ،
بەردێك لە بنچینەی خانووەكانمان دەربێنین
بەڵام؛ ناكرێ و نابێ،
وشەیەك،
لەقەسیدە لیرەییەكانی شكسپیر دەربھێنین..!!

٣/
تاكەخەسڵەتی جیھانی تاریكی ئەوەیە؛
دیموكراسی تیایا بەرقەرارە،
چون ھەژارو دەوڵەمەندێك،
لە تابوتی مەرگ و گۆڕستانا،
وەكو یەكن…!!

٤/
بۆ ئەوەی بگەین بەڕوناكی و،
ئاسۆی ژیان،
پێویستە ھەمیشە ،
چاومان لەتاریكی و شەوەزەنگ بێ…!!

٥/
ھەتا ھەموو خەڵكی،
گیرفانی وەك من بەتاڵ نەبێ،
سكیان وەكو ھەژارەكان برسی نەبێ،
ماڵەكەی ھەڕاج فرۆش نەكا و،
فتیلە دانەگیرسێنێ،
من ،
جارێكی تر بیر لەسیاسەت ناكەمەوە..!!

٦/
لای من،
ماڵی خودا،
تەنھا،
مزگەوت و خانەقا و،
ئاتەشگا و كڵێسا و پەرستگا نییە،
بەڵكو تەواوی گۆی زەوی،
بەو شوێنانەی كە یاساغ و قەدەغەن،
ھەر ماڵی خوایە…..!!

 

عــلــی امـــین

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە