یه‌ك شه‌ممه‌ 12 ئازار 2017

قاسم ئاغای ئەنفال چی دۆستی حزبی شیوعی بوو یان دوژمن ؟

بەروار : 12 ئازار 2017
If you thought this page is useful to your friend, use this form to send.
Friend Email
Enter your message

 

شەماڵ عادل سەلیم  

 

بۆ سەرکردایەتی هەردوو حزبی شیوعی (  عیراق و کوردستانی ) ……

راوێژکار قاسم فارس تاهیر مستەفا ئاغا سەرۆک جاشی فەوجی (85) ناسراو بە (قاسم ئاغا)ی کۆیە ، لە سەردەمى سەدام حسین دا ،چەندین جار نیشانەى ئازایەتى (نوت الشجاعە)ى وەرگرتووە ، چونکە زۆر( رەشید و شوجاع ) بوو لە کوشتن و گرتن و ڕاوەدوونانی  ( موخەریبەکان ) و وێرانکردنی کوردستان ، هەربۆیە دوای رووخانی ریژێمی سەددام ی گۆڕبەگۆڕ  لە ساڵى (2003)دا ، (42) سکاڵای لە سەر تۆمارکراوە و دواتر لە (19) دۆسیەدا ڕێکخراون.

چەندین دیکۆمێنت لەبەردەستن کە  تاوانەکانی  ئەم (جاشە سوکە )دەسەلمێنێت و پێویست بە ماندووبوون و شاهێد و شاهێدکاری بۆ سەلمندنی تاوانەکانی ناکات ، یەکێک لەو دیکۆمێنتانەی کە تاوانبار قاسم ئاغا بەکامیرای خۆی لە 5 ئاداری 1989 دا تۆماری کردووە ، شەری چیای کۆسرەتە . ئەوشەرەی کە دووپێشمەرگەی قارەمانی حزبی شیوعی ( شەهید رێباز و شەهید شەپۆڵ )دوای شەرێکی دەستەو یەخە ، بە برینداری کەوتنە دەست قاسم ئاغا و جاشەکانی  ، ئەویش وەک پیشەی ئاسایی خۆی فرۆشتیانیە ئاغاکانی و دواتر لەزیندانی بەعس  بەدڕندەترین شیوە شەهیدکران .

لەم فیلمەدا ، قاسم ئاغا لەسەر سەری هەردوو پێشمەرگە قارەمانەکانی حزبی شیوعی راوەستاوەو سوکایەتی بە (موخەریبەکان) دەکات وبە ( موقەدەم عەلی) ی برادەری  دەڵێت : ( جەنگاوەرەکانم بە جیهازی موخەریبەکان قسەم لەگەڵ دەکەن و قاقا پێدەکەنێت بە جاشەکەی خۆی دەڵێت : ئەوە بەجیهازی موخەریبەکان قسەم لەگەڵ دەکەیت …. بارک اللە بیک ، بارک اللە بیک) ، هەربۆ یادگاریش چەندین وێنەی خۆی لەتەک جەنگاوەروکانی فەوجە سوکەکەی و موقەدەم عەلی و  سەربازە(شوجاعەکان) لەچیای کۆسرەت دەگرێت .

ئەوەی لێرەدا دەمەوێ بیوروژێنم ئەوەیە :

( کیفاح حەسەن / ناسراو بە مولازم کەریم ) کادیرێک عەسکەری حزبی شیوعی عیراقە و کاتی خۆی لەگەڵ  مەفرەزەی کۆسرت لە ئیختیفا بووە ، لە چەندین بۆنەدا ، بەئاشکرا پاکانە بۆ قاسم ئاغا دەکات و دەڵێت ( قاسم ئاغا نەک تەنها دوژمنایەتی حزبی نەکردووە ، بەڵکو لەرۆژانی تەنگانەدا هاوڕێیانی رێکخستنە نهێنیەکانی حزبی شیوعی پاراستوەو زۆر یارمەتی حزبی شیوعی داوە ،  سفلەیە ئەوەی بە خەراپی باسی کاک قاسم ئاغا بکات ، هەروەها دەلێت :  حزبی شیوعی ناتوانێت سکالا لەسەر قاسم ئاغا تۆمار بکات ، چونکە ناوبراو یارمەتی حزبی داوە)  ….!!لەوەش زیاتر ،  لە نووسینەکانیدا بەتوندی هێرش دەکاتە سەر ئەو هاوڕێێانەی کە لەسەر تاوانەکانی قاسم ئاغآ دەنووسن و داوای دادگایی کردنی  دەکەن .

لێرەدا جارێکی دیکە ، وەک  پێشمەرگەیەکی دێرینی حزبی شیوعی عیراق ، داوا لە سەرکردایەتی هەردوو حزبی شیوعی (عیراق و کوردستانی)  دەکەم  ، کە بەدواچون و لێکۆڵینەوە لەم بابەتە بکەن ،و بۆ خانەوادەی شەهیدان و خەڵکی کوردستان بە ئاشکرا بەیان بکەن  ، ئایا بەراست ، (قاسم ئاغای ئەنفال چی و برادەری شەخسی سەددام ) ، لە رۆژانی تەنگانە دا  یارمەتی پێشمەرگەی حزبی شیوعی  داوە و رێکخستنەکانی حزبی پاراستووە وەک ئەوەی ( کفاح حەسەن  / مولازم کەریم ) دەڵێت ، یان دوژمنی  سەرسەختی حزب بووەو ڕاوە شیوعی کردوەو بەخوێنیان ( نوت ئەل شەجاعەی ) وەرگرتووە ؟

ـــــــــــــــــــــــــــــــــــــــــــــــــــ

 

بۆ خوێندنەوەی ئەو وتارەی کە ( کفاح حەسەن ناسراو بە مولازم کەریم ) تیایدا ستایشی قاسم ئاغا دەکات ، کرتە لەسەر ئەم لینکە بکە

http://www.ahewar.org/debat/show.art.asp?aid=235032

بۆ بینینی قاسم ئاغای ئەنفال چی لە شەری چیای کۆسرەت ، کرتە لەسەر ئەم لینکە بکە

 

YouTube Preview Image

 

 

ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە