دوو شه‌ممه‌ 20 ئازار 2017

بە ڤیدیۆ.. موراد قەرەیلان: پەکەکە خۆى بۆ شەڕ لە دژى تورکیا ئامادە کردووە

بەروار : 20 ئازار 2017
If you thought this page is useful to your friend, use this form to send.
Friend Email
Enter your message

 

ئەمڕۆ ٢٠ى ئازاری ٢٠١٧ ئاژانسى هەواڵى فوارت پەیامێکى موراد قەرەیلان فەرماندەى بڕیارگەى ناوەندیى هەپەگە لە یەکێک لە شاخەکانى کوردستان بە ئامادەبوونى زۆزان چەولیک، عیرفان ئامەد، لەیلا سورخوێن، ئاتاکان ماهیر و ژمارەیەکى تر لە فەرماندەکانى هەپەگە و یەژەئا بڵاوکردەوە. بە پێى ئەو ڤیدیۆیەى بڵاوکراوەتەوە، لە بەشێک لە شاخەکاندا بەفر دەبینرێت و پەیامەکەش لە کەشێکى باراناویدا تۆمارکراوە.

قەرەیلان ڕایگەیاند، هێزەکانیان لە قۆناغى زستاندا لە ئەکادیمیا سەربازییەکانى ئەپۆلۆ، مەعسوم کۆرکماز و حەقى قەرار قۆناغێکى پەروەردەییان تەواو کردووە و ڕاشیگەیاند، ئامادەن بۆ شەڕ لە دژى سوپاى تورکیا و هێرشەکانى، گەریلا ئەوەش بۆ هەموو کەس و لایەنێک دەسەلمێنێت، کە هێزەکە تێکناچێت.

موراد قەرەیلان لەبارەى ڕووداوەکانى شەنگالیشەوە وتى، لە دژى ئێزدییەکان ٧٤ فەرمان بۆ کوشتارکردنیان ئەنجامدراوە و لە ئێستادا ژن و کچەکانیان لە دەستى داعشدان، بۆ ئەوەش ئەرکى کورد نەک کوشتنی ئەوان، بەڵکو پاراستنیانە و دەشبێت کورد کێشەکانى خۆى لە ناو خۆیدا بە دیالۆگ چارەسەر بکات.

فەرماندەى بڕیارگەى ناوەندیى هەپەگە باسى ئەوەشیکرد، حکومەتى تورکیا بڕیاریداوە شەڕێکى گەورە لە دژى پەکەکە ئەنجام بدات و گەریلاش بۆ بەرەنگاربوونەوەى ئەو شەڕە ئامادەیە، لەبەر ئەوەى شۆڤێنیزمى تورک ئەو شەڕەى دەوێت، نابێت هیچ کوردێک و لایەنێک ببێتە بەشێک لەو شەڕە لە دژیان، چونکە پلان و هاوپەیمانیى ئاکەپە و مەهەپەیە بۆ پێشگرتن لە کوردان و دامەزراندنى کوردستان.

قەرەیلان جگە لەوەى جەژنى نەورۆزى لە گەلى کورد و گەلانى ناوچەکە و بنەماڵە و دایکى شەهیدان پیرۆز کرد ڕاشیگەیاند، نەورۆزى ٢٠١٧ دەبێتە سەرەتاى قۆناغێکى نوێ بۆ تێکۆشان و دەستپێکردنى قۆناغێکە بۆ داهاتووى گەلی کوردستان.

YouTube Preview Image
ناردنی ئەم بابەتە بۆ تۆرەکۆمەڵایەتیەکان

ریزبەندی بابەت

0 بۆچوون تۆمارکراوە



تۆی بەریز دەتوانیت بۆچوونی خۆت لەسەر ئەم بابەتە دەرببڕیت بە پرکردنەوەی ئەم فۆرمە